“သဒ္ဓါတရား..စစ်စစ်..ဆိုတာ..”
ဗိုလ်ငါးပါး (စိတ်စွမ်းအားငါးမျိုး)ထဲမှ..
ဦးစွာပထမ..သဒ္ဓါတရားအကြောင်း တင်ပြလိုပါသည်.။
ဘုရားရှင်က
“သဒ္ဓါတရားနဲ့ ကိလေသာရေအလျဉ်တွေရဲ့..
ဟိုတစ်ဖက်ကမ်းထက်ကို ကူးခပ်သွားနိုင်တယ်” ဟု
မိန့်တော်မူ၏။
အဓိပ္ပါယ်က
သဒ္ဓါတရားနှင့် နိဗ္ဗာန်ရောက်နိုင်သည်ဟု ဆိုလိုခြင်းဖြစ်၏။
သဒ္ဓါတရားသာ အဟုတ်အားကောင်းပါစေ၊
အားပြည့်ပါစေ နိဗ္ဗာန်ကိုရောက်နိုင်ပါ၏။
သဒ္ဓါတရားသည် ထိုမျှလောက်အစွမ်းထက်၏။
စွမ်းအားကြီးမား၏။
နောက်ထပ်ဘုရားရှင် မိန့်တာက
“လူတို့ရဲ့သန္တာန်မှာ တည်ရှိနေရမယ့်
အကောင်းဆုံးတရားဟာ သဒ္ဓါတရားသာဖြစ်တယ်။
လူတို့ရဲ့ အကောင်းဆုံး အရင်းအနှီးဥစ္စာဟာသဒ္ဓါတရားသာဖြစ်တယ်။
ကုသိုလ်တရားတွေရဲ့ မျိုးစေ့ဟာ သဒ္ဓါတရားသာဖြစ်တယ်” ဟု
မိန့်တော်မူ၏။
သဒ္ဓါတရားအားကောင်းသူများသည်
ဘုရားတရားအလုပ်
သူများထက် ပို၍လုပ်ဖြစ်၏။
အလှူဒါနတွေ သူများထက် ပို၍လှူဖြစ်၏။
ဥပုသ်သီတင်းတွေ သူများထက်ပို၍ စောင့်သုံးဖြစ်၏။
တရားဘာဝနာအလုပ်တွေ သူများထက် ပို၍ အားထုတ်ဖြစ်၏။
ကျောင်းကန်ဘုရားကို သူများထက်ပို၍ ရောက်ဖြစ်၏။
ကုသိုလ်ကို လမ်းခင်း၍
သွားရတာဖြစ်တော့ ကုသိုလ်ပိုရသူသည် နိဗ္ဗာန်နှင့် ပို၍နီးမည်ဖြစ်၏။
သူများထက်အရင် နိဗ္ဗာန်ကို မြန်မြန်ရောက်မည်ဖြစ်၏။
သဒ္ဓါတရား အရင်းအနှီး လုံလုံလောက်လောက် ရှိသူမှာသာ
လူ့ဘဝလူ့ချမ်းသာ၊
နတ်ဘဝ နတ်ချမ်းသာ၊
ဗြဟ္မာဘဝ ဗြဟ္မာချမ်းသာ ဟူသော
လောကီအကျိုးထူး၊ အကျိုးမြတ်များကို ရနိုင်၏။
မဂ်ဖိုလ်နိဗ္ဗာန်..ဟူသော
လောကုတ္တရာ အကျိုးထူး၊ အကျိုးမြတ်များသည်လည်း
သဒ္ဓါတရားအရင်းအနှီးရှိသူမှာသာ ရနိုင်၏။
ချမ်းသာသုခ မှန်သမျှသည် သဒ္ဓါတရားရင်းနှီးပြီးမှသာ ရနိုင်၏။
လူ့ဘဝ နတ်ဘဝ၊
လူ့ချမ်းသာ နတ်ချမ်းသာ စသော
ကောင်းကျိုးတရားတို့သည် ကုသိုလ်ရှိသူမှသာ ရနိုင်၏။
ကုသိုလ်ကြောင့်သာ ထိုကောင်းကျိုးတရားတွေကို ရရှိခြင်းဖြစ်၏။
ကုသိုလ်၏မျိုးစေ့ကား သဒ္ဓါတရားဖြစ်၏။
သဒ္ဓါ မျိုးစေ့ရှိမှသာ ကုသိုလ်ဟူသော အပင်ပေါက်နိုင်၏။
ကုသိုလ်ရနိုင်၏။
ဒါန သီလစသော ကုသိုလ်တို့ကို ပြုလုပ်ခြင်းသည်
ထိုကုသိုလ်ကံနှင့် ထိုကံ၏ အကျိုးတရားအပေါ်
ယုံကြည်သော သဒ္ဓါတရားကြောင့် ပြုလုပ်ခြင်းဖြစ်၏။
ထို့ကြောင့်
သဒ္ဓါတရားကို ကုသိုလ်၏ မျိုးစေ့ဟု ခေါ်ရ၏။
သဒ္ဓါတရားသည် ယုံခြင်းသဘောလက္ခဏာရှိ၏။
စိတ်ကို ကြည်လင်စေတတ်သော ကိစ္စရှိ၏။
စိတ်ကို မနောက်ကျုစေတတ်သောတရားဟု ဆိုနိုင်၏။
သဒ္ဓေယျ ဝတ္ထုခြောက်ပါးလျှင် နီးသော အကြောင်းရှိ၏။
သဒ္ဓါတရားသည် ယုံတတ်သောသဘောရှိ၏။
သို့သော် ယုံတိုင်း သဒ္ဓါတရားတော့မဟုတ်။
လောကထဲက
ဗေဒင်ယုံ၊
လက္ခဏာယုံ၊
လူယုံ စသောအယုံတို့သည်
အဓိမောက္ခဟု ဆို၏။
ဘုရားတရား၊
ကံ ကံ၏အကျိုးနှင့်စပ်သော အယုံကိုမှ
သဒ္ဓါတရားဟု ခေါ်၏။
ယုံကြည်ဆိုသည့်အတိုင်း
ယုံပြီးလျှင် စိတ်ထဲမှာ ကြည်သွားမှ
သဒ္ဓါတရားအစစ်ဖြစ်၏။
ယုံသဒ္ဓါ နှင့် ကြည်သဒ္ဓါဟုလည်း နှစ်မျိုးခွဲခေါ်၏။
ဗုဒ္ဓစာပေကျမ်းများတွင်..
(၁)အာဂမသဒ္ဓါ၊
(၂)အဓိဂမသဒ္ဓါ၊
(၃) ပသာဒသဒ္ဓါ၊
(၄) သြကပ္ပနသဒ္ဓါ ဟု လေးမျိုးရှိ၏။
အလောင်းတော်များ ပါရမီဖြည့်စဉ်တစ်လျှောက်ပါလာသော
သဒ္ဓါကို အာဂမသဒ္ဓါ ဟုခေါ်၏။
မဂ်နှင့်အတူတကွပါသော သဒ္ဓါကို အဓိဂမသဒ္ဓါဟု ခေါ်၏။
ဥာဏ်မပါသောသဒ္ဓါကို ပသာဒသဒ္ဓါ ဟုခေါ်၏။
ဥာဏ်ပါသော သဒ္ဓါကို သြကပ္ပနသဒ္ဓါဟုခေါ်၏။
ယုံသဒ္ဓါက ပသာဒသဒ္ဓါဖြစ်၏။
ကြည်သဒ္ဓါက သြကပ္ပနသဒ္ဓါ ဖြစ်၏။
ကြည်သဒ္ဓါဖြစ်ဖို့အတွက်
အယုံခံသဒ္ဓေယျဝတ္ထု မှန်ဖို့လို၏။
သဒ္ဓေယျဝတ္ထု မှန်မမှန်ကို ကိုယ်ပိုင်ဥာဏ်နှင့်စဉ်းစားချင့်ချိန်ရ၏။
ဘာသာတရားတိုင်းသည် အယုံခံဝတ္ထု ရှိကြသည်သာဖြစ်၏။
တချို့ဘာသာတွေက
ကိုယ်ပိုင်စဉ်းစားချင့်ချိန်ခွင့်၊
တွေးတောဆင်ခြင်ခွင့်၊
ကိုယ်ပိုင်လွတ်လပ်ခွင့် မပေးကြ။
ဇွတ်မှိတ်ယုံခိုင်း၏။
လှေနံဓားထစ်၊
ပုံသေကားကျ ဇွတ်မှိတ်ယုံကြရ၏။
ထိုသဒ္ဓါမျိုးသည် ပသာဒသဒ္ဓါ-ယုံသဒ္ဓါသာ ဖြစ်၏။
သြကပ္ပနသဒ္ဓါ-ကြည်သဒ္ဓါမဖြစ်တော့။
အယုံခံဝတ္ထုက မှန်မှ မှန်ကန်သော ယုံမှုဖြစ်၏။
အယုံခံဝတ္ထုက မှားနေလျှင်
ယုံတာလည်း အမှားကြီးဖြစ်တော့၏။
အမှားကြီးကို ယုံမိတော့ ယုံမိတာမှားပြီပေါ့။
ယုံမိတာမှားလျှင်တော့
ယုံသာ ယုံလိုက်ရ စိတ်ထဲမှာတော့
ကြည်ကြည်လင်လင်၊ ကြည်ကြည်နူးနူး ရှိမည်မဟုတ်။
ဘုရား၊ တရား၊ သံဃာ၊
ကုသိုလ်ကံနှင့် အကုသိုလ်ကံ၊
ထိုကံနှစ်ပါး၏ ကောင်းကျိုးနှင့်ဆိုးကျိုး၊
ရှေ့နောက်ဘဝသံသရာ ဟူသော
ခြောက်မျိုးကမှ အယုံခံဝတ္ထုအစစ် ဖြစ်၏။
ဤခြောက်မျိုးကို ယုံရမှသာလျှင်
စိတ်ထဲ၌ ကြည်လာမည်၊ကြည်လင်လာမည်၊
ကြည်နူးလာမည်၊
ယုံပြီးလျှင် ကြည်လာမှ သဒ္ဓါတရားအစစ်ဖြစ်၏။
သဒ္ဓါတရား၏ကိစ္စ…သဒ္ဓါတရား၏ လုပ်ဆောင်ချက်က
စိတ်ကိုကြည်လင်စေနိုင်ခြင်းဖြစ်၏။
သဒ္ဓါတရားသည် စကြာမင်း၏ ပတ္တမြားရတနာနှင့် တူသည်ဟု ဆို၏။
နောက်နေသော ရေကန်ထဲသို့
ပတ္တမြားရတနာထည့်လိုက်လျှင် အနောက်တွေ အနည်တွေ ထိုင်သွားပြီး
ရေကန်ထဲကရေအားလုံး ကြည်လင်သွားတော့၏။
စကြာမင်း၏ ပတ္တမြားရတနာသည် ထိုမျှလောက်စွမ်း၏။
သဒ္ဓါတရားသည် ထိုပတ္တမြားနှင့် အလားတူ၏။
နောက်နေသောစိတ်ကို ကြည်လင်စေနိုင်၏။
လောဘ ဒေါသစသော ကိလေသာတို့သည်
စိတ်ကို နောက်ကျုစေတတ်၏။
ကိလေသာ ဝင်နေသောစိတ်သည် နောက်ကျုနေ၏။
မကြည်မလင် ဖြစ်နေ၏။
ထိုနောက်ကျုနေသော စိတ်ထဲကို
သဒ္ဓါတရားသာထည့်လိုက်၊
ဘုရားတရားသာ အာရုံပြုလိုက်၊
ကိလေသာ အနောက်အနည်တွေ အကုန်ထိုင်ကျသွားပြီး
စိတ်ကြည်လင်လာပါလိမ့်မည်။
စိတ်ကြည်လျှင် ရုပ်ပါ ကြည်တော့၏။
သဒ္ဓါတရားကောင်းသူတို့၏ မျက်နှာဆိုလျှင် ကြည်လင်နေ၏။
သန့်ရှင်းနေ၏။
ဖြူစင်နေ၏။
တရားရက်ရှည် အားထုတ်ထားသူတို့၏မျက်နှာဆိုလျှင် ကြည်လင်နေ၏။
နောက်
တဖြည်းဖြည်း တရားနှင့် ပြန်ဝေးသွားလျှင်လည်း
ထိုကြည်လင်မှုတွေ ပြန်ပျောက်ကွယ်သွား၏။
စိတ်နှင့်ရုပ်ကို ကြည်လင်စေမှသာ
သဒ္ဓါတရားအစစ်ဟု မှတ်ယူရမည်။
တချို့ဘာသာရေးအလုပ် လုပ်နေသူတွေ၊
တရားသမားပါဆိုသူတွေ၊
တရားနယ်ပယ်တွင်းမှာ နေ နေသူတွေ၊
ပညာတတ်ပညာရှိတွေ မျက်နှာတွေ ရှုံ့နေ၏၊
မဲ့နေ၏၊
ရှုပ်နေ၏၊
မှုန်နေ၏၊
တင်းနေ၏၊
မာနေ၏၊
မရှင်းမလင်းဖြစ်နေ၏။
မကြည်မလင်ဖြစ်နေ၏။
ထိုသို့ဖြစ်လျှင် သူတို့၏သန္တာန်၌
သဒ္ဓါတရား ရှိမရှိ စဉ်းစားရတော့မည်။
သဒ္ဓါတရား မဖြစ်လျှင် ကုသိုလ်မဖြစ်၊
ကုသိုလ်မရှိ။ ကုသိုလ်မဖြစ်၊
ကုသိုလ်မရှိလျှင် တရားမဖြစ်၊ တရားမရှိနိုင်။
အကြောင်းက သဒ္ဓါတရားသည်သာ ကုသိုလ်၏မျိုးစေ့ဖြစ်နေသောကြောင့်ဖြစ်၏။
သဒ္ဓါတရားကလည်း
လူများအိပ်ပျော်နေသလို အိပ်ပျော်နေတတ်၏။
သဒ္ဓါတရားအိပ်ပျော်တယ်ဆိုတာ
သဒ္ဓါတရား ပျောက်ကွယ်နေသောအချိန်ကို ဆိုလို၏။
ထိုသို့ အိပ်ပျော်နေသော သဒ္ဓါတရားကို နိုးကြားလာအောင်
နှိုးပေးရလိမ့်မည်။
ဘယ်လိုနှိုးပေးရမှာလဲဆိုလျှင်
သူတော်ကောင်းနှင့်ပေါင်း၊
သူတော်ကောင်းတရားကို နာယူ၊
သူတော်ကောင်းစကားကိုပြော၊
သူတော်ကောင်းစာတွေဖတ်၊
သဒ္ဓါတရားနိုးကြားနိုင်သောစာတွေဖတ်၊
ယောနိသောမနသိကာရ ရှိ၊ သင့်တင့်စွာနှလုံးသွင်း၊
ကုသိုလ်ဖြစ်အောင် စိတ်ထား၊
အကောင်းဆုံးကတော့ တရားထိုင်၊
ထိုသို့
ကျင့်ကြံအားထုတ်လျှင်
သဒ္ဓါတရား နိုးကြားလာလိမ့်မည်။
သဒ္ဓါတရား တိုးပွားလာလိမ့်မည်။
သဒ္ဓါတရားခိုင်မြဲလာလိမ့်မည်။
လူဆိုတာ
ဘုရားတရားနှင့်ကင်းကွာ၍မရ၊
ဘုရားတရားနှင့် ကင်းကွာနေသောအချိန်သည်
မိုက်နေသောအချိန်ဖြစ်၏။
မိုက်နေလျှင် မည်းနေလိမ့်မည်။
မည်းနေလျှင် မှောင်နေလိမ့်မည်။
မှောင်ဟူသည် ကိလေသာအမှောင်ဖြစ်၏။
ကိလေသာအမှောင်ကျနေလျှင် အကုသိုလ်ဝင်နေခြင်း ဖြစ်၏။
လူတွေက
တစ်စုံတစ်ခု ဒုက္ခရောက်မှ
အကုသိုလ်ဝင်တာဟု ခေါ်ကြ၏။
အမှန်က အကုသိုလ်တွေလုပ်၊
အကုသိုလ်တွေဖြစ်နေလျှင်
အကုသိုလ်ဝင်တော့တာပဲဖြစ်၏။
ဒုက္ခရောက်တာက အကုသိုလ်ဝင်တာမဟုတ်၊
အကုသိုလ်၏ အကျိုးဝင်ခြင်းဖြစ်၏။
ထိုအမိုက် အမည်း အမှောင်တွေ ပျောက်ဖို့ဆိုတာ
သဒ္ဓါတရားရှိနေမှ၊
သဒ္ဓါတရားဖြစ်နေမှ ပျောက်လိမ့်မည်။
သဒ္ဓါတရားရှိနေဖို့၊
သဒ္ဓါတရားဖြစ်နေဖို့
ဘုရားတရားအလုပ်တစ်ခုခု လုပ်နေရမည်။
ယခုကဲ့သို့ ဆုတ်ကပ်အခါသမယတွင်
အကောင်းအကောင်းတွေ နောက်ဆုတ်သွားကြပြီး
အဆိုးအဆိုးတွေ ရှေ့တိုးရှေ့တက်လာကြ၏။
အကောင်းတွေက နောက်ရောက်၊
အဆိုးတွေက ရှေ့ရောက်လာကြ၏။
အကောင်းဟူသည်
အလောဘ အဒေါသ အမောဟ၊
အဆိုးဟူသည်
လောဘ၊ဒေါသ၊ မောဟ၊ အလောဘက
လောဘ၏ဆန့်ကျင်ဘက်၊
တပ်မက်မှုနည်းခြင်း၊
အတ္တနည်းခြင်း၊
အတ္တမဆန်ခြင်း၊
အတ္တမကြီးခြင်း၊
တစ်ကိုယ်ကောင်းမဆန်ခြင်း၊
စွန့်လွှတ်နိုင်ခြင်း၊
အနာခံနိုင်ခြင်း ဖြစ်၏။
အဒေါသ က
ဒေါသ၏ဆန့်ကျင်ဘက်၊
စိတ်ရှည်ခြင်း၊
သည်းခံခြင်း၊
ခွင့်လွှတ်ခြင်း၊
သဘောထားကြီးခြင်း ဖြစ်၏။
အမောဟ က
မောဟ၏ဆန့်ကျင်ဘက်၊
အမှားအမှန်ခွဲခြားဝေဖန်နိုင်ခြင်း၊
အမှန်တရားသိခြင်း၊
အမှန်တရားကို ဖက်တွယ်ခြင်း၊
အမှန်တရားကို မြတ်နိုးခြင်း၊
အမှန်တရားကို တန်ဖိုးထားခြင်းဖြစ်၏။
ဆုတ်ကပ်၌
အကောင်းတွေဆုတ်၊ အဆိုးတွေတိုး၊
အဆိုးတွေတက်လာသောအခါ
လူတွေ လောဘတွေကြီး၊
ဒေါသတွေကြီး၊
မောဟတွေကြီး၊
အတ္တတွေကြီး၊
မာနတွေကြီး၊
အာဃာတတွေကြီးနှင့်
ပိုပြီးတော့ စိတ်ညစ်ရ၊
ပိုပြီးတော့ စိတ်ရှုပ်ရ၊
ပိုပြီးတော့ ဦးနှောက်ခြောက်ကြရ၏။
ထို့ကြောင့် ရှုပ်သောစိတ်ကို ရှင်းစေနိုင်သော၊
နောက်သောစိတ်ကို ကြည်စေနိုင်သော
ဘာသာရေးအလုပ်၊
ဘုရားတရားအလုပ်ကို ပိုပြီးတော့ လုပ်ကြရမည်။