ခရေ ဒီတခေါက်တော့ နာမည်လေးတွေ မှည့် ကြတဲ့ အကြောင်းလေး ရေးချင်လို့ ပါ။ နာမည်ကို မှည့်တယ့် နေရာမှာ ခရေ နာမည်လေးကို သတိထားမိလို့ ပါ။
ခရေတို့  မြန်မာနိုင်ငံမှာ လက်ရှိလူအများသုံးစွဲနေကြတဲ့ နာမည်ပေးပုံကတော့ “နေ့နံအပေါ် အခြေခံတဲ့ နာမည်ပေးနည်း” ဖြစ်ပါတယ်။
တနင်္ဂနွေ သားသမီးဆိုရင် တနင်္ဂနွေနံ ဖြစ်တဲ့ (အ၊ဥ) နဲ့ပေးမယ်။ တနင်္လာ သားသမီး ဆိုရင် တနင်္လာနံဖြစ်တဲ့ (က၊ခ၊ဂ၊ဃ၊င) တွေနဲ့ ပေးမယ်။ အင်္ဂါသားသမီး ဆိုရင်လည်း (စ၊ဆ၊ဇ၊ဈ၊ည) နဲ့ ပေးမယ်ပေါ့။
ဒီလိုဘဲ လွယ်လွယ်ပေးလိုက်ကြပါတယ်။ ဒီလို နေ့နံအတိုင်း ပေးလိုက်တာ ကိုဘဲ ကလေးအတွက် လုံလောက်သွားကြပြီလို့ ထင်တတ်ကြပါတယ်။ ဒီကြားထဲမှာ အဖေ နာမည်၊ အမေနာမည်၊ အဖိုးအဖွားနာမည် တွေပါမကျန် နာမည်ထဲမှာထည့်ပြီး မှည့်လိုက် ကြပါသေးတယ်။
ဘယ်ဗေဒင်ဆရာဆီကိုမှ သွားမနေကြတော့ပါဘူး။ သွားပြန်တော့လည်း စိတ်တိုင်း ကျလှတယ် မရှိပါဘူး။ ဗေဒင်ဆရာတွေပေးတဲ့ နာမည်တွေဆိုတာ ကလည်း ခေတ်နဲ့ မဆီလျော်လှတဲ့ နာမည်တွေ၊ ခပ်တုံးတုံးတွေက များတယ် မဟုတ်လား။
ကလေးကို သူမွေးတဲ့ နေ့အတိုင်း နေ့သင့်နံသင့်ပေးမှ မှန်ကန်တယ်လို့ ထင်နေကြ သူတွေ တော်တော် များပါတယ်။ နောက်ပြီး တစ်ချို့သော ဗေဒင်နည်းစနစ်တွေမှာ နေ့သင့်နံသင့်နာမည်ပေးခြင်းကို ပုံသေကျင့်သုံးနေကြ တဲ့အတွက် ဒါကိုမှ အမှန်ဘဲလို့ ထင်နေကြပုံရပါတယ်။
ခရေ လေ့လာဖတ်ဖူးတယ့် နာမည်ပေး ဗေဒင် အကြောင်းသိကောင်း စရာနဲ့ ပါတ်သက်လို့ ရေးထားတွေကို ခရေ မျှဝေပေးချင်ပါတယ်.။
နာမည်မှည့်တဲ့နေရာမှာ အရေးကြီးတဲ့ အချက်တစ်ချက်ကတော့ “ဗျုပ္ပတ်” ဖြစ်ပါတယ်။ “ဗျုပ္ပတ်” ဆိုတာ နာမည်တစ်ခုရဲ့ အဓိပ္ပါယ်ဖြစ်ပါတယ်တဲ့ ။
နာမည်တစ်ခုရဲ့ အဓိပ္ပါယ်ဟာ ထိုနာမည်ပိုင်ရှင်ရဲ့ ရုပ်ရည်၊ ပုံပန်းသဏ္ဍန်၊ အဆင်းအရောင်၊ အကျင့်စရိုက်၊ စိတ်နေစိတ်ထားတွေနဲ့ လိုက်ဖက်ညီညွတ်နေရပါမယ်။ ဒါမှသာ ဘ၀အကျိုးပေး ကောင်းမွန်ပါမယ်။ အတိတ်ဘ၀ရဲ့ ကောင်းကျိုးတွေကို အပြည့်အ၀ ခံစားရတတ်ပါတယ်။
နာမည်နဲ့ ဗျုပ္ပတ် တခြားစီဖြစ်နေရင်တော့ ဘ၀အကျိုးပေး မကောင်းတတ်ပါ။ ဥပမာ- နာမည်က “မောင်လှ” ရုပ်က ခပ်ဆိုးဆိုဖြစ်နေရင် ဗျုပ္ပတ် ဆန့်ကျင်ပါတယ်။
အဲသည်လိုဘဲ အသားမည်းသူကို “ဖြူဖြူဝင်း” လို့မှည့်တာမျိုး၊ အသားဖြူသူကို “ညိုညိုစိမ့်” လို့မှည့်တာမျိုးတွေဟာ ဗျုပ္ပတ် အမှားတွေပါ။ ဒါမျိုးတွေ အများကြီးရှိပါတယ်။
ပိန်လွန်းသူ ကို “ပြည့်ဖြိုးမောင်” လို့ မှည့်တာ၊ စကားပြောဆိုးသူကို “ချိုသာခင်” လို့ မှည့်တာ၊ “တိတ်တိတ်ဆိတ်ဆိတ်” နေတတ် သူကို “ကြည်ရွှင်” လို့ မှည့်တာတွေ၊ အလွန် သွက်လက်ချက်ချာသူကို “မောင်အေး” လို့ မှည့်တာမျိုးတွေဟာ ဗျုပ္ပတ် အမှားတွေပါ။
. နောက်တစ်ခုက လူ့လောကနယ်ပယ်အရ မြင့်မြတ်တယ်လို့ စံပြုထားတဲ့ အရာတွေထက် ကျော်လွန်အောင် နာမည် မှည့်တာမျိုးကို “ဗျုပ္ပတ်လွန်တယ်” လို့ ခေါ်ပါတယ်။
“မြင့်မိုရ်စိုးအုပ်ကျော်” လို နာမည်မျိုးတွေ၊ “အာကာမင်းထွဋ်ခေါင်” လို နာမည်မျိုးတွေ၊ “နေမင်းအုပ်ပိုင်စိုး” လိုနာမည်မျိုး၊ “ဒီပါလွှမ်းထက်ကျော်” လိုနာမည်မျိုး တွေဟာ နာမည်ပိုင်ရှင်ကို အလွန် “ခိုက်” စေတတ်ပါတယ်။ အရပ်ထဲမှာ ပြောကြတဲ့ “နာမည်က သိပ်ကြီးလွန်း နေတယ်” ဆိုတာမျိုးပေါ့။
“နာမည် တစ်ခုဟာ လူတစ်ယောက်ရဲ့ ဘ၀ကံကြမ္မာနဲ့ လုံးဝ ဆက်စပ်နေတယ်၊ လွှမ်းမိုးမှုရှိတယ်” ဆိုတဲ့ စကားနဲ့ ပတ်သက်ပြီး အချို့သူများမှာ အဓိပ္ပါယ်ပေါက်မှု လွဲမှားနေတာကို ဒီနေရာမှာ ထပ်မံရှင်းပြချင်ပါတယ်။
“ဗေဒင်စည်းကမ်းနဲ့ ညီညွတ်တဲ့နာမည်တစ်ခုကို ပေးခြင်းဆိုတာဟာ ဥပမာအားဖြင့် တင်စားဆိုရရင် မျိုးစေ့ တစ်စေ့ကို မြေဆီသြဇာ ပြည့်ဝထက်သန်လှတဲ့ လယ်ယာမြေကောင်းတစ်ခုကို ရွေးချယ်ပြီး အစေ့ချ စိုက်ပျိုးလိုက်တာ နဲ့ အလွန်တူပါတယ်။
အဲသည်လို နာမည်ကောင်းတစ်ခုကို အမှည့်ခံလိုက်ရတဲ့ ကလေးငယ်တစ်ဦးဟာ လယ်ယာမြေကောင်းမှာ ပေါက်ဖွား ရှင်သန် လာရတဲ့ ကောက်ပဲသီးနှံ နဲ့ အလားတူပါမယ်။ မိမိ အစွမ်းရှိသလောက် ရှင်သန်ကြီးပွားပြီး ကောက်နှံ ဆန်ရေစပါးများကို သီးပွင့်စေမှာ ဖြစ်ပါတယ်။
ခရေ ကိုလည်း ခရေ ဖွားဖွားက ပေးခဲ့တာပါ။ အင်္ဂါနေ့ မှာမွေးလို့  မို့  စုစုလှိုင် ဆိုပြီးပေးခဲ့ပါတယ်။ ခရေ ကြည့်ကြည့် ပါတယ်။ ခရေ ကိုမွေးတော့ မရဏဖွားပါ။ မွေးပြိးပြီးချင်း ကနေ သေမလို သုံးခါဖြစ်ခဲ့ရတယ်။
ခရေ နာမည်နဲ့ ပါတ်သက်လို့ ပြောရရင် ခရေကို ပေးထားတဲ့  စုစုလှိုင် ဆိုတဲ့ နာမည်ပါတယ့်သူတွေ အထူးသဖြင့် စုစုပါတဲ့ သူတွေဟာ အချစ်ရေး အိမ်ထောင်ရေးတွေ ကံမကောင်းကြတတ်ဘူးထင်ပါတယ်။
ခရေ တွေ့ ဖူးမြင်ဖူး တဲ့  ပါတ်ဝန်းကျင်မှာလည်း ဒီလိုမျိုး စုစုလှိုင် ပါတဲ့ နာမည်တွေ ဟာ ချစ်သူ က စွန့် ပစ်တာ ။ အချစ်ဦးနဲ့ ကွေ ကွင်းရတာ။ အိမ်ထောင်ရေးတွေ မတည်မြဲတာတွေ တွေ့ နေရသလိုပါပဲ။
တကယ်တော့ နာမည်ဟာ လူကိုစီးစေတာ အမှန်ပါပဲ။ တချို့ ကတော့ အယုံအကြည် မရှိကြပါဘူး။ ဒါပေမယ့် တော်တော်များများ တိုက်ဆိုင်တယ်ဆို လက်ခံရပါလိမ့်မယ်။
ဒါပေမယ့် ဗေဒင်စည်းကမ်းနဲ့ ညီညွတ်တဲ့ နာမည်တစ်ခုပေးခြင်းဆိုတာ လူတစ်ဦးတစ်ယောက်ရဲ့ ကြီးပြင်း ရှင်သန်လာရမယ့် အခြေအနေကောင်းကို ရွေးချယ်ပေးခြင်းသာဖြစ်ပြီး သူရဲ့ အတိတ်ဘ၀ပေါင်းများစွာက ပါရှိလာတဲ့ ကံကြမ္မာကို ပြောင်းလဲပေးခြင်း မျိုး တော့ မဟုတ်ပါဘူး။
သတ္တ၀ါတို့ရဲ့ ကံကြမ္မာကို ဘုရားရှင်သော်မှ ပြောင်းလဲခြင်းငှာ မတတ်နိုင်ပါ။ မိမိစိုက်ပျိုးထားသည်ကို မိမိပင် ပြန်လည်ရိတ်သိမ်းရသလို မိမိပြုခဲ့သော ကံသည် ကောင်းသည်ဖြစ်စေ၊ ဆိုးသည်ဖြစ်စေ မိမိပင် ပြန်လည် ခံယူရမည်သာ ဖြစ်ပါတယ်။
. ဘုရားရှင်ကိုယ်တော်တိုင်မှ မိမိကံကြမ္မာကို ပြောင်းလဲ နိုင်ခြင်းမရှိတာကြောင့် ၀ဋ်တော် (၁၂)ပါးကို ခံယူသွားရခြင်း မဟုတ်ပါလား။
ဒါပေမယ့် လူလောက မှာ ကျင်လည်နေတဲ့  အချိန်မှာ သိသင့် သိထိုက်တွေကို သိရှိလို့  မိမိတို့ နဲ့  ပါဝင်ပါတ်သက်လာမည့် သားသမီး တူတူမ များအားလုံးကို ပညာအမြင်လေးတွေ နဲ့  တည်ဆောက်ပေးနိုင်ပါစေ ။
ကလေးများ အနာဂတ် အတွက် မရှိမဖြစ် သိသင့်တဲ့ နာမည် အကြောင်း သိကောင်း စရာလေးကို မခရေကနေ မျှဝေလို့  ပေးလိုက်ပါတယ်။
မခရေလို နာမည် တိုက်ဆိုင်တဲ့  စုစုလှိုင် ဆိုတဲ့ နာမည်မျိုး မရှိဘူးလို့ မပြောနိုင်ပါဘူး။ ရှိခဲ့ပါကလည်း မခရေ ပြောခဲ့တာ ဟုတ်မဟုတ် ဝေဖန်နိုင်ပါတယ်။
အားလုံးကျန်းမာပျော်ရွှင်ကြပါစေလို့ ။
ခရေ
( ကြိုးစားပါအုံးမည်)
၁၅ ရက် ၊ ဇန်နဝါရီလ ၊ ၂၀၁၃ ခု
ခရေ ဘလော့လေးကိုလည်း လာရောက်လည်ပါတ်နိုင်ပါတယ်..
