" အို..ဆင်ကဲ.." လို့ဆိုမိတာလေးနဲ့

ကျွန်တော် အောင်ထက် တစ်ယောက်..

ဒီရက်ထဲ ရှေးခေတ်ဟောင်း သမိုင်းတွေထဲမှာပဲ တစ်ဝဲလည်လည်..

ကြာရင် ပြတိုက်ထဲရောက်လေမလားမသိတော့ ။ ရေးလက်စနဲ့ ဆက်ပါအုန်းမယ် ။

ခုပို့စ်လေးမှာတော့..တိုင်းပြည်အုပ်ချုပ်တဲ့ ဘုရင်တွေရဲ့စိတ်သဘောကို လေ့လာခွင့်ရအောင်

ပေါ့ပေါ့ပါးပါးလေးပဲ တင်လိုက်ပါတယ် ။

အင်းဝနဲ့ ဟံသာဝတီ အနှစ်လေးဆယ် ပြည်တွင်းစစ်ကာမှာပါပဲ၊

သက္ကရာဇ် ခုနစ်ရာခြောက်ဆယ်ငါးခုမှာ အင်းဝဘုရင်မင်းခေါင် စုန်ဆင်း စစ်ပြုပြန်ပါတယ် ၊

နောက်တော့ ခရီးကဝေးလံ၊ စာရေရိက္ခာကလည်းပြတ်၊ အနိုင်အရှုံးကလည်း သူတစ်ပြန်ကိုယ်တစ်ပြန်

စစ်ကလည်းပန်းလာပါတော့တယ် ။ ဒါကြောင့် အင်းဝကိုစစ်ပြန်ဆုတ်ပါတယ် ။

မွန်ဘုရင်က စစ်အဆုတ်ကို ထပ်ချပ်မကွာ လိုက်တိုက်ပါတယ် ။

ရှေးခေတ် ဘုရင်တွေ စစ်ထွက်တယ်ဆိုတာက..

မိန်းမတွေ တစ်လှေကြီးနဲ့ပါ၊ မိဖုရား မောင်းမမိတ်သံတွေ အကုန်ခေါ်လာတာပါ ။

စစ်ဆုတ်တော့မင်းခေါင်က ရဲမြတ်စွာဆင်ကိုစီးပါတယ်၊

ဆင်တော်ရဲမြတ်စွာ ခြေလက်နှေးလို့ဆင်ကဲ ပမူလောက်ကိုထားခဲပြီး..

နတ်လုင်ဆင်တော်ကိုပြောင်းစီးပါတယ် ။

တပ်ကဖရိုဖရဲနဲ့ဆုတ်ရတော့..ဆင်လေးမြင်းလေး မိန်းမသနာ ကိုယ်လုပ်မောင်းမတွေကို

မွန်တို့က ရကုန်ပါတော့တယ် ။

မင်းခေါင်ရဲ့ တောင်ခွင်မိဖုရားလည်း ချောင်းအကူးမှာ ဆင်ခက်ကြိုးပြတ် ဆင်ကလည်ပြီး

ကျကျန်ခဲ့ပါတယ်။

ရဲမြတ်စွာဆင်ကိုစီးပြီး နောက်ကလိုက်လာတဲ့ ဆင်ကဲ ပမူလောက်ကိုမြင်တော့

တောင်ခွင်မိဖုရားက ဟစ်အော်ခေါ်ပါတယ် ။

ဆင်ကဲ ပမူလောက်က..ဆင်ဦးစီးကို

 “ မိဖုရားကိုကယ်ရမှာ အန္တရာယ်တော့ကြီးတယ် ၊ မကယ်ပြန်လည်း မွန်တို့လက်ကိုပါတော့မယ် ။

ယခုကယ်တင်ချိန်က စလို့ ခရီးစဉ်ရဲ့ အဖြစ်ပျက်စုံကို မင်းအသေချာမှတ်ထားပါ..”  လို့ဆိုပါတယ် ။

လမ်းခရီးမှာ..မွန်တို့လက်မကျအောင်..ပုန်လျှိုးကွယ်လျှိုးတောတောင်ရိပ်ခိုလို့ ဆုတ်ရပါတယ် ။

ညရောက်ရင် မိဖုရားကို သစ်ပင်ထက် လင့်စင်ထိုး သိပ်ပါတယ် ။

ဆင်ကဲက ဆင်ဦးမှာ စီးလျက်အိပ်ပါတယ်၊ ဆင်ဦးစီးက နောက်ပဲ့မှာ အလှည့်ကျ အိပ်ပါတယ် ။

လမ်းမှာ ထမင်းသုံးနပ်ငတ်ကြပါတယ်။

မြန်မာပိုင်နက်ရောက်  ရွာတွေ့မှ မိဖုရားက အိမ်ထက်၊ ဆင်ကဲနဲ့ ဦးစီးက မြေပြင်မှာအိပ်ပါတယ် ။

သုံးယောက်သား အင်းဝကိုပြန်ရောက်တော့..ဘုရင်မင်းခေါင် ၀မ်းမြောက်ဝမ်းသာရှီလို့..

“ ဆင်ကဲသည် ငါ့ကိုကျေးဇူးပြုမိသည်ကား သည်နှင့်ဆိုနှစ်ကြိမ်ရှိပေပြီ..” ဟုဆိုပါတယ်၊

ဆုလပ်ပေးပါတယ် ။

နောက်နေ့တွေမှာတော့..

မိဖုရားကို လမ်းခရီး နေပုံစားပုံကို စစ်မေးပါတော့တယ် ။ ထွက်ချက်မှတ်သားထားပါတယ် ။

နောက်..ဆင်ကဲကိုသီးသန့်….

ဆင်ဦးစီးကို သီးသန့်..ထွက်ချက်ယူပါတယ်၊ တစ်ချက်ထဲညီမှ စိတ်ထဲ သန့်ရှင်းသွားပါတယ်။

ဇာတ်လမ်းက ဒီလောက်နဲ့တင် ပြီးဆုံးရင်ကောင်းပါတယ်..၊ ဇာတ်မနာဘူးပေါ့။

ဒါပေမဲ့ မိဖုရားကိုချစ်တဲ့ ဘုရင်မင်းခေါင်က ဆင်ကဲမြင်တိုင်း ရင်တုန်ပန်းတုန်ဖြစ်နေရပါတယ်၊

သံသယကိုမဖျောက်နိုင်ဖြစ်နေရပါတယ် ။

ဖြစ်ချင်တော့..တောထဲတောင်ထဲ ဆင်ကဲနဲ့ တစ်ပူးတွဲတွဲနေခဲ့ရတဲ့ တောင်ခွင်မိဖုရားစိတ်မှာ

ဆင်ကဲပေါ် သာယာတိမ်းညွတ်နေပုံရပါတယ် ထင်ပါရဲ့..

တစ်နေ့မှာ မင်းနဲ့ မိဖုရား ပူးတွဲစံနေတုန်း မိဖုရားလက်က ကွမ်းခွက် လွှတ်ကျပါတော့တယ်..

“ အို..ဆင်ကဲ..”  ယောင်ရမ်း အသံထွက်မိပါတော့တယ် ။

မိဖုရားရဲ့ လန့်အော်သံလေးတစ်ခွန်းရဲ့ တန်ဘိုးကတော့..

ဆင်ကဲကို လူသတ်သမား လက် အပ်လိုက်တာပါပဲ ။

တရားကျစရာပါပဲနော်..

စကားပုံလေးတောင်ရှိသားပဲလေ..

“ သူဆင်းရဲကိုသနားသည်ဟု အရင်းအနှီးမပေးနှင့်..မင်းတို့ပျက်စီးသည်ကိုမခြီးပင့်နှင့်..”

ဟူသတတ် ။

မှတ်ချက်။       ။ အကယ်၍များကော်မန့်ပေးလိုလျှင်..ဒီဇာတ်လမ်းမှာ

(၁) မိဖုရားကိုကယ်မိတာ..ဆင်ကဲမှားပါသလား..

(၂) မိဖုရားကပဲ..မှားပါသလား..

(၃) သ၀န်တိုလွန်းသူ..ဘုရင်မင်းခေါင်ပဲမှားပါသလား..

ထင်မြင်ချက်လေးသိပါရစေ။

(ကျွန်တော်..အောင်ထက် ပါ)