တမ်းတမိပါတယ်........

                        `` မြတ်စေတနာ´´ အခမဲ့ဆေးကုခန်း..တဲ့ ဆေးခန်းကျဉ်းကျဉ်းလေး.. ဆေးကောင်တာရယ်၊ စားပွဲတစ်လုံး၊ ကုလား

ထိုင်တစ်လုံးနဲ့.. လိုက်ကာလေးချထားတဲ့ အတွင်းဘက် လူနာစမ်းသပ်တဲ့ ကုတင်တစ်လုံး.. ဘေးမှာတော့ ဆေးပစ္စည်းတွေ တင်ထားတဲ့..

စားပွဲလေးတစ်လုံး. ဆေးခန်းထဲကို ၀င်လိုက်တာနဲ့ သန့်ရှင်းပြီး ပန်းတွေ ဝေနေအောင်ပူဇော်ထားတဲ့ ဘုရားကျောင်းဆောင်လေးက အမြင့်

မှာပေါ့... အောက်မှာတော့ ရေးထားသေးတယ်.``အာရောဂျံ မရမံလာဘံ..´´တဲ့၊ နောက်ပြီး မျက်နှာချင်းဆိုင်မှာလဲ ရေးထားသေးတယ်..

``သေခြင်းတရားကို မည်သူမျှ မဆုံးဖြတ်နိုင်....´´ တဲ့၊ နောက်ပြီး သူ့ဘေးမှာ ရေးထားတာက စိတ်ဝင်စားစရာ..`` ဆေးကုသမှုအတွက်

သင်ပူစရာ မလိုပါ. ကျွန်ုပ်ထံတွင်ဆေးရှိသည်၊ သင့်ကို ကောင်းစွာ ကုသနိုင်ရန် ကျွန်ုပ်လဲ ကောင်းစွာ သင်ယူမှတ်သားထားပါသည်..´´တဲ့

စားပွဲလေးမှာတော့ ကြည်လင်တဲ့ မျက်ဝန်းတွေနဲ့ လူလတ်ပိုင်းတစ်ယောက်ထိုင်နေတယ်.... ထည်ဝါခြင်းလဲ မရှိ၊ ခန့်ငြားခြင်းလဲ မရှိ၊ ဆေး

ခန်းလေးလိုပဲ တောက်ပခြင်းလဲ မရှိ၊ သူလဲ ခပ်အေးအေး ပုံစံပါပဲ.. သူက ဆရာဝန်တစ်ယောက်လေ... အင်္ဂလန်ပြန် ဆရာဝန်တစ်ယောက်

နောက်ပြီး သူဌေးသားတစ်ယောက်၊ နောက်ပြီး သူတော်ကောင်းလို့ ပြောရမဲ့ မိဘတွေကပေါက်ဖွားပေးလိုက်တဲ့.သူတော်ကောင်းဆရာဝန်

တစ်ယောက်ပါပဲ.....

                          `` ဆေးခန်းကတော့ ခင်ဗျား မြင်တဲ့ အတိုင်းပဲ ခပ်နွမ်းနွမ်း ဆိုတော့ ဟိတ်ဟန်ကြီးတဲ့ လူနာတွေ မလာကြဘူးဗျ.....

နောက်တစ်ခုကလဲ အလကားရတဲ့ ဆီမှာ သွားကုနေတယ်လို့..... ပြောကြမှာကို ကြောက်ကြတယ်နဲ့   တူပါတယ်....  ဒီမှာကြည့်...  ဒါက

အလှူငွေစာရင်းစာအုပ်၊ ကျွန်တော် ဆေးကုပေးတယ်..... တစ်ပြားမှ ပါလာစရာ မလိုဘူး၊ တတ်နိုင်သမျှ ကုပေးတယ်.... ဆေးရုံတင်ရမဲ့

ရောဂါမျိုးတွေတော့ ဆေးရုံကို  စာလေးရေးပြီး  လက်မှတ်ထိုးပေးလိုက်တယ်..... ဆေးရုံအတွက်တော့ ကိုယ့်အစီအစဉ်နဲ့ကိုယ်ပေါ့ဗျာ..

ကျွန်တော့်ဆီမှာကတော့ ငွေကြေး အဆင်မပြေတဲ့ လူနာတွေပဲ အလာများပါတယ်... သွေး၊ သလိပ်နဲ့ ဆီးတွေ ဘာတွေလဲ စစ်ပေးပါတယ်

အခမဲ့ပါပဲ...... လူနာတွေက ဆေးလိုက်ပြီး အဆင်ပြေတော့ ၀မ်းသာပြီး အလှူငွေထည့်တာတွေလဲ ရှိတယ်.... သူတို့ အလှူငွေထည့်ရင်..

အဲဒီ စာအုပ်မှာ ကျွန်တော်က လှူတဲ့သူကို ကိုယ်တိုင်ရေးဖြည့်ခိုင်းတာလေ....  ဟိုဘက်က စာအုပ်လေးကတော့ တစ်လစာ ဆေးတွေဝယ်

ထားတဲ့ စာရင်းပါပဲ.... ပြေစာတွေပါတွဲထားပေးတယ်.... လှူတဲ့သူတွေ တွေ့ရင် ထပ်ဆင့် ကုသိုလ်ပွါးနိုင်အောင်ရယ်..... နောက်ပြီး မရှိတဲ့

သူတွေ ဆီကို သတင်းလေးရောက်စေချင်လို့လေ.... ´´ ဆရာဝန်ရဲ့ ပြောစကားကိုနားထောင်ရင်း... သူ့မျက်ဝန်းတွေကိုကြည့်ရတာ ကြည်

နူးနေသလိုပါပဲ....

                             `` ဒီမှာ ဆေးဝယ်ထားတဲ့ စာရင်းက များနေပြီး အလှူငွေက နည်းတယ်နော် ဒေါက်တာ အလှူငွေစာရင်းမှာတော့

(၅၀၀)ရော၊ (၁၀၀၀)ရော တွေ့ရတယ်...... ဒီလောက်ပဲရလား.... ကျန်တာကိုရော ဒေါက်တာ ဘယ်လိုစိုက်လဲဗျ....´´  ကျွန်တော်လဲ စပ်

စပ် စုစု မေးလိုက်မိတယ်......  ဒေါက်တာက ရယ်ပြီးတော့.... ကျွန်တော် အစိုးရလစာလဲရတယ်.... နောက်ပြီး NGO မှာလဲ လုပ်တယ်လေ

ငှက်ဖျား၊ တီဘီနဲ့ အိပ်အိုင်ဗွီ ပရော့ဂျက်မှာ ဒေသတာဝန်ယူထားတယ်.. အဲဒါလဲ လစာရတယ်..... မ လောက်ရင်တော့ ခမည်းတော်နဲ့မယ်

တော်က ပို့ပေးပါတယ်... ဟိုဘက်က ပစ္စည်းတွေအားလုံး အိမ်က ၀ယ်ပေးထားတာ.. သူပြတာတွေကို ကြည့်ရင်းနဲ့ ကျွန်တော် တော်တော်

ဝမ်းမြောက်မိတယ်.... အတွေးတစ်ခုရတာနဲ့ 

`` ဆေးခန်းကနေ့တိုင်းဖွင့်လား ဒေါက်တာ..... ´´

`` အင်း ဖွင့်တယ်ပဲ ပြောပါတော့ ပုံမှန်ကတော့ ညနေပိုင်းဆိုရင် ညဥ့်နက်တဲ့ အထိ ဖွင့်ထားတာပဲ.....  ဟိုမှာလေ  ဖုန်းနံပါတ်လဲ ရေးပေး

ထားသေးတယ်... ကိစ္စရှိရင် ကြိုက်တဲ့အချိန်ခေါ်ပေါ့..... ကျွန်တော်လာပါတယ်.... အိမ်တော့ လိုက်မကုဘူး ကျွန်တော့်ဆေးခန်းကိုလာ..

တစ်ခါတည်း ကုပေးမယ်၊ ရောဂါပြင်းရင် ဆေးရုံ တစ်ခါတည်း တင်နိုင်အောင် ဆောင်ရွက်ပေးလိုက်တယ်.... ´´

`` ခရီးသွားတဲ့ အချိန်တွေ ဆိုရင်ရော ဒေါက်တာ.... ပိတ်ထားရမှာပေါ့.....´´

`` အင်း..... တစ်ခါတစ်လေတော့ ဖြစ်တတ်ပါတယ်..... အခုတော့  ကျွန်တော်  သွားနေတဲ့  အချိန်မှာ   သူငယ်ချင်းတွေနဲ့ တခြား အသိ

ဆရာဝန်တွေကို အကူအညီ တောင်းထားပါတယ်.... ကျွန်တော် ရှိနေလို့ကတော့ လုံးဝကို မပိတ်တာပါ.... ငွေကြေးချို့တဲ့သူတွေအတွက်

ရည်ရွယ်ပြီး ဖွင့်ထားတာ ဖြစ်တဲ့ အတွက် သူတို့ကို အားငယ်ပြီး အခက်အခဲ မဖြစ်စေချင်ဘူးလေ.....´´

`` အော်..... ဟုတ်ကဲ့ ဒေါက်တာ..... ဒါနဲ့ ဒေါက်တာ့ အမျိုးသမီးကရော.... ´´ ကျွန်တော်လဲ သိချင်တာလေးကို အဆင်ပြေတုန်း ၀င်စပ်

စုလိုက်တယ်...... မှိုင်းညို့သွားတဲ့ မျက်ဝန်းအစုံနဲ့ ဒေါက်တာက.... `` သူနဲ့ ကျွန်တော်က ဆေးကျောင်းတက်ဘက်တွေဗျ၊ နောက်ပြီး...

ပညာတော်သင်သွားတော့လဲ အတူတူပဲ.... လက်ထပ်ကြမလို့အထိ အဆင်ပြေခဲ့တာပါ.... သူတို့က ရန်ကုန်၊ မန္တလေးက နံမယ်ကြီးဆေး

ခန်းတွေမှာ ထိုင်စေချင်တယ်.... သူလဲ ထိုင်မယ်တဲ့.... ပြဿနာက ကျွန်တော့်ဖေဖေဆီကစတာဗျ..... ဖေဖေက ငယ်ငယ်ကတည်းက...

ကျွန်တော့်ကို ဆရာဝန်ဖြစ်စေချင်တာ..... ဆရာဝန်ဖြစ်ရင်လဲ မရှိ ဆင်းရဲသားတွေ၊ ကျေးလက်ဒေသက ကျန်းမာရေး အသိနည်းပါးတဲ့ သူ

တွေကို အခမဲ့ ကုသပေးစေချင်တယ်..... အသက်တွေကိုကယ်တင်တဲ့ ဆရာဝန် ဖြစ်စေချင်တယ်ဗျ.....ဒီစကားတွေကိုလဲ ဆေးကျောင်းစ

တက်တာနဲ့ တတွတ်တွတ်  ပြောတော့တာပဲ...  ငယ်ငယ်ကဆိုရင်တဲ့ ကျွန်တော့်ကို ချီပြီး မြှောက်မြှောက်ပြီးတော့... ဖေ့သားက ဆရာဝန်

ကြီး ဖြစ်မှာကွ.. ဆင်းရဲသားတွေကို ဆေးကုပေးမှာကွနဲ့ အမြဲ ချော့မြှူခဲ့တယ်လို့ ပြောတယ်..... ဘာကြောင့်လဲဆိုတော့ ဖေဖေငယ်ငယ်က

အညာမှာ ၀မ်းရောဂါဖြစ်တာ ကြုံခဲ့ဘူးတယ်တဲ့..... လူတော်တော်များများ သေသွားတာကို ကိုယ်တိုင် မြင်ယုံမကပဲ.... အဲဒီကနေ ပြေးခဲ့ရ

ဘူးတယ်တဲ့..... အဲဒီမှာ သူစဉ်းစားတယ်တဲ့..... မြို့တွေမှာတော့ ဆရာဝန်တွေ၊ ဆေးရုံတွေ ပေါလို့.... လူတွေကျန်းမာရေး အသိ မြင့်လို့

ဒီလိုအခြေအနေမျိုးတွေ မရောက်ခဲ့ဘူးပေါ့နော်...... ဒီရွာလေးမှာသာ ဆရာဝန်တစ်ယောက် ဆေးပစ္စည်းစုံစုံလင်လင်နဲ့ ရှိနေရင် လူတွေ..

သေကြမှာမဟုတ်ဘူးလို့ တွေးဖြစ်တယ်တဲ့... သူကိုယ်တိုင်ကလဲ ဆရာဝန် မဖြစ်နိုင်တော့ဘူး ဆိုတော့ သားသမီး မွေးရင် ဆရာဝန်ဖြစ်စေ

ရမယ်.... ဆင်းရဲသားတွေကို စောင့်ရှောက်ပေးတဲ့ ဆရာဝန် ဖြစ်ရမယ်လို့ စိတ်ဆုံးဖြတ်ထားခဲ့တာတဲ့.... ကျွန်တော် ဆေးကျောင်းပြီးလို့..

အလုပ်သင်ဆရာဝန်ဖြစ်တဲ့နေ့မှာ ဖေဖေက နားကြပ်လေးတစ်ခု လက်ဆောင်ပေးတယ်..... ဟိုးအရင်က ပေါ်ခဲ့တဲ့ နားကြပ်လေး..ဂျာမဏီ

ဖြစ်ဗျ..... သိပ်ကောင်းတယ်၊ ဈေးလဲကြီးတယ်ဗျ..... လေးလဲ လေးတယ်... ကျွန်တော် ကျောင်းစနေတဲ့ အရွယ်မှာ ဖေဖေ၀ယ်ထားခဲ့တာ

တဲ့... သူ့အသိတွေ ရော.. ကျောင်းက ဆရာကြီးတွေကိုရော ညစာဖိတ်ပြီး အခမ်းအနားနဲ့ ပေးခဲ့တာ.. ကျွန်တော် အခုထိ သိမ်းထားတယ်

တစ်ခါတစ်လေ ထုတ်ကြည့်ပြီး အရမ်းကြည်နူးတာဗျ..... အဲဒါနဲ့ဗျာ...... နောက်တော့ နိုင်ငံခြားထွက်ရတယ်... (၂)နှစ်ပေါ့.. ပြန်လာတော့

ကျွန်တော့် အမျိုးသမီးက အဲ.... ထားပါဗျာ..... အမျိုးသမီးပဲထား..သူက လက်ထပ်ကြမယ်.... ပြီးရင် အစိုးရကို ပြန်လျော်မယ်.. ၀န်ထမ်း

မလုပ်တော့ဘူး..... ဆေးခန်းထိုင်မယ်တဲ့..... ကျွန်တော်က ဆုံးဖြတ်ရခက်နေတာနဲ့ ဖေဖေနဲ့ တိုင်ပင်ကြည့်ဦးမယ်လို့ ပြောလိုက်တယ်....

ညနေကျတော့ သူလဲ အိမ်ကို လိုက်လာပြီး ကျွန်တော် ဘာမှ မပြောရသေးခင်... သူက အရင် ဖေဖေ့ကို အစီအစဉ်တွေ ပြောပြတာဗျ......

ဖေဖေ့ကို သဘောတူလားလို့လဲ မေးတယ်..... ကျွန်တော်ကြည့်လိုက်တော့ ဖေဖေ့ မျက်နှာကဗျာ..... တောင်းပန်နေတဲ့  မျက်နှာမျိုးလေး

ကျွန်တော့်ကို ကြည့်နေတဲ့ မျက်ဝန်းတွေမှာ  အားငယ်နေတယ်လို့   ခံစားလိုက်ရတယ်.... ကျွန်တော် စီစဉ်မထားတဲ့ စကားတစ်ခွန်းထွက်

သွားတယ်ဗျ.... ကျွန်တော် ၀န်ထမ်း (၅)နှစ်လုပ်ဦးမယ်လို့....လေ´´  ဒေါက်တာ့စကားတွေကို နားထောင်ရင်းကျွန်တော်မှင်သက်နေမိရာ

က စကားခဏရပ်ပြီး ရေသောက်မှပဲ သတိဝင်လာတော့တယ်.. အဲဒါနဲ့....     `` ဟုတ်.... ဒေါက်တာ ဆက်ပြောပါဦး.... စိတ်ဝင်စားစရာ

ကောင်းတယ်နော်...´´လို့ ပြောလိုက်မိတယ်..... ဒေါက်တာက

`` အဲဒီတော့ဗျာ.... သူက တစ်ခါတည်း မကြည်မလင်နဲ့ သမီးပြန်တော့မယ်ဆိုပြီး ကျွန်တော့်ကိုတောင် နှုတ်မဆက်ပဲ ထထွက်သွားတော့

တာပေါ့..... သူထွက်သွားတာက အပြီးကို ထွက်သွားတာဗျာ.... အဲဒီကနေ နိုင်ငံခြားကို တစ်ခါတည်း ထွက်သွားတာ....   အခု မလေးမှာ

ထင်တယ်..... သူ ထွက်သွားတော့ ငေးကြည့်နေတဲ့ ကျွန်တော့်ကို ဖေဖေက ပုခုံးကို ကိုင်ရင်းလာဖက်ထားတယ်..... ကျွန်တော်လဲ ဖေဖေ့

ကိုပြန်ပြောလိုက်တယ်..... လောဘကြီးတဲ့ မိန်းမတစ်ယောက်နဲ့ ဖေဖေ့ စိတ်ကူးတွေကို သား မလဲပါဘူး......လို့လေ၊   ဖေဖေတော်တော်

စိတ်မကောင်းဖြစ်သွားတဲ့ပုံပါပဲ..... ဖေဖေကတော့ သိမှာပေါ့.........လူကြီးဆိုတော့လေ.. သူပြန်မလာတော့ဘူးဆိုတာကိုပါ...´´ တစ်ခါ

ခဏနားလိုက်တယ်... မျက်ဝန်းတွေလဲ ရည်ဝေနေတာပါပဲ....... ကျွန်တော်လဲ ဘာမှ ဆက်မပြောဖြစ်တော့ဘူး.... ငေးကြည့်ရင်းနဲ့ပေါ့..

`` အဲဒါနဲ့ဗျာ ကျွန်တော် နယ်မှာ (၇)နှစ် တာဝန်ထမ်းဆောင်လိုက်တယ်.... နေရာ(၃)ခုလောက်ပြောင်းပြီးတော့ပေါ့.... အခု ဒီမြို့လေးကို

ရောက်လာတော့ နိုင်ငံခြားက သူငယ်ချင်းတွေက အင်န်ဂျီအိုမှာ ဆက်သွယ်ပေးတော့ ၀င်လုပ်ရင်းနဲ့ ဖေဖေ့သဘောကျ အခမဲ့.. ဆေးခန်း

လေး ဖွင့်ထားတာ.......ဗျ ´´ ပြုံးရင်း ခေါင်းတညိမ့်ညိမ့်နဲ့ ပြောပြနေတဲ့ ဒေါက်တာ့ကို တစ်ခုခုတော့ နားလည်လိုက်သလိုပါပဲ..... သူနှလုံး

သားလေးမှာ ဒဏ်ရာကြီးနဲ့ ဆိုတာကိုလေ.....

                           ကျွန်တော်လဲ ရှားရှားပါးပါး  စေတနာ  ဆရာဝန်တစ်ယောက်ကို  ရင်းနှီးခွင့်ရခဲ့တဲ့အတွက်.... ၀မ်းသာနေမိသလို.....

ဒေါက်တာ့ ဖခင်ကိုလဲ အံ့သြနေမိတယ်.... သူရဲ့ စိတ်စေတနာက  တန်ခိုးကြီးလိုက်တာလို့....   သူ  ငယ်ငယ်က အညာ ဒေသမှာ ကြုံခဲ့တဲ့

အဖြစ်အပျက်လေးကို အခြေခံပြီး ဖြစ်ချင်ရာကို ဖြစ်အောင် ပျိုးထောင်ပေးနိုင်ခဲ့တာရယ်.... ဆင်းရဲသားတွေရဲ့ ကျန်းမာရေးအတွက်  သား

ဖြစ်သူရဲ့ နှလုံးသားကို စတေးခဲ့စဉ်က အဖြစ်အပျက်တွေကို သူဘယ်လို ခံစားနေခဲ့ရလိမ့်မလဲလို့....

                             အကြောင်းကြောင်းကြောင့် လွင့်မျောခဲ့ရင်းက (၃)နှစ်လောက်ကြာတော့ ကျွန်တော်  ဒီ မြို့လေးကိုပြန်ရောက်လာ

တယ်.. `` မြတ်စေတနာ´´ အခမဲ့ ဆေးကုခန်းလေးက မရှိတော့ဘူး...လေ၊ စေတနာ ဆရာဝန်လေးလဲ မရှိတော့ဘူးဗျ.. ဆင်းရဲသားတွေ

အတွက် သူအကြာကြီး  မစောင့်ရှောက်နိုင်ခဲ့ပါဘူး...  ဘယ်သူမှ မဆုံးဖြတ်နိုင်တဲ့ သေခြင်းတရားက  သူ့ကို ခေါ်ဆောင်သွားခဲ့တယ်... တဲ့

``အာရောဂျံ မရမံလာဘံ..´´ဖြစ်အောင် ကူညီပေးခဲ့တဲ့ ဆရာဝန်လေးကို ကျွန်တော် တမ်းတမိသည်..... နောက်ထပ် ``မြတ်စေတနာ´´

ဆေးခန်းလေးတွေ အများကြီး ပေါ်ပေါက်စေချင်သည်.... ဆရာဝန်လေးရဲ့ ဖခင်လိုလူမျိုးတွေကိုလဲ အများကြီး ရှိစေချင်သည်.... စေတနာ

ကောင်းတဲ့ ဆရာဝန်လေးတွေကိုတော့ ကျွန်တော့်အနီးဝန်းကျင်မှာ တစ်ယောက်လောက် အမြဲရှိနေစေချင်ပါသည်..... ချစ်တတ်တဲ့ နှလုံး

သား ကင်းကင်းနေတဲ့ စေတနာဆရာဝန်လေးတွေလေ..... အခုတော့ ချစ်တတ်တဲ့ နှလုံးသားလေး မကျန်းမမာဖြစ်နေခဲ့တဲ့ ဆရာဝန်လေး

ဘယ်ဌာနေ ဘယ်ဘ၀ကိုများ ရောက်ရှိသွားခဲ့ပြီလဲလို့... `` မြတ်စေတနာ´´ ဆေးခန်းဖွင့်ခဲ့တဲ့ နေရာလေးကိုကြည့်မိတော့ ဆရာဝန်လေး

ကျွန်တော့်ကို ပြုံးပြနေသလိုလိုပါပဲ......