မာန နဲ့ အပြိုင်

မှန်ထဲမှာ မြင်နေရတဲ့ ပုံရိပ်ကို မမှိတ်မသုံ စိုက်ကြည့်နေမိသည် ။ မှန်ထဲက မြင်နေရသူ နဲ့ အပြင်ကသူတစ်ယောက်ထဲဆိုတာ ဟုတ်ရဲ့လား ။ ကျေနပ်ကြည်နူးခြင်းတွေနဲ့ အတူ လွမ်းမောခြင်းတွေကပါ ကပ်ငြိပါလာခဲ့တယ် ။ လွမ်းမောခြင်းကို သက်သေတည်စေတဲ့ အလွမ်းမျက်ရည်တွေ ပြည့်နှက်နေတဲ့ မျက်ဝန်းတစ်စုံက မှိတ်ချလိုက်တဲ့ အချိန်မှာ တော့ ဘာကြောင့်မှန်းမသိတဲ့ မျက်ရည်စက်တွေက ပါးပြင်ပေါ်ကို အတားစီးမဲ့စွာ ပြိုဆင်းလာကြပါတော့သည်။

လွန်ခဲ့သော 6လလောက်က သိပ်ကိုစိတ်ပျက်ဖို့ကောင်းတဲ့ ၀၀ဖိုင်ဖိုင် ခန္ဓာကိုယ် တစ်ခုကို မလိုချင်ဘဲ ပိုင်ဆိုင်ခဲ့ရဘူးတယ်။ လူတကာရဲ့ ၀လိုက်တာနော် ဆိုတဲ့စကားသံတွေကို မကြားချင်ဘဲ ခဏခဏ ကြားခဲ့ရတယ် ။ လှလှပပ အ၀တ်စားလေးတွေ တွေ့တိုင်း ကိုင်ကြည့်ယုံနဲ့ ကျေနပ်နေခဲ့ရတယ် ။ သိပ်ချစ်ပါတယ်လို့ ပြောခဲ့တဲ့ ခင်ပွန်းသည်ရဲ့ဆိုက်ကယ် နောက်တော်ပါးမှာ လိုက်ခွင့်မရခဲ့တာ ကြာခဲ့ရပါပြီ ။ သိပ်ချစ်လို့ လက်ထပ်ခဲ့ကြတယ် ။ အိမ်ထောင်ကြပြီး 3လအကြာဘဲ မထင်မှတ်လောက်အောင် ၀လာလိုက်တာ 195ပေါင်တိတိ ဖြစ်လာတဲ့ ကိုယ့် ခန္ဓာကိုယ် ကို မှန်ထဲတောင် မမြင်ချင်မိလောက်အောင် စိတ်ပျက်စေခဲ့ပါတယ် ။ လှချင်တဲ့ စိတ်ရှိပေမယ့် ဆန္ဒပြင်းပြစွာ ပိန်ချင်တာမျိုးတော့ မရှိခဲ့ပါဘူး ။ ယောကျာင်္းအပြင်သွားလို့ မခေါ်တိုင်းလဲ သူပေးတတ်တဲ့ အကြောင်းပြချက်တွေကို လက်ခံ ယုံကြည်နေမိတယ် ။ ဒီလိုနဲ့နေလာလိုက်တာ ပတ်ဝန်းကျင်အလည်မှာ ပုံဆိုးပန်းဆိုး ၀တုတ်မကြီး ဘ၀ကို ရောက်မှန်းမသိကို ရောက်လာခဲ့ရပါတော့သည်။

အိမ်ထောင်တစ်ခုမှာ မိန်းမတစ်ယောက်ရဲ့ အိမ်တွင်းမှုနိုင်နင်းခြင်း ၊ သန့်ရှင်းသပ်ရပ် စမတ်ကျခြင်းဆိုတဲ့ အချက်တွေက ယောကျာင်္းတစ်ယောက်ကို ကောင်းကောင်းကြိုးကိုင်နိုင်တယ်ဆိုတာတွေကိုလည်း သတိမမူမိခဲ့ပါဘူး ။ စားချင်တာတွေ စားလိုက် အိပ်လိုက် နေလာလိုက်တာ မောင် နဲ့ ကျွန်မ ဝေးမှန်းမသိဝေးကွာ လာတယ်ဆိုတာကို သိလိုက်ရတဲ့ နေ့က သိပ်ကိုနောက်ကျနေခဲ့ပါပြီ။ မိုးလင်းကနေ မိုးချုပ်တိုင် အိမ်မှာအနေများသူကျွန်မ နဲ့ အပြင်ကို  မကြာခဏထွက်ရတဲ့ မောင်။ မောင် နောက်ကို တခါတရံမှာ ကျွန်မလိုက်ချင်ပေမယ့်  အကြောင်းပြချက်ပေါင်းများစွာနဲ့ ဖယ်ရှောင်တတ်သူကို အပြစ်ရယ်လို့လည်း မတွေးခဲ့မိပါဘူး ။

တစ်နေ့မှာတော့ မေမေတို့နဲ့ တူတူ လင်မယားနှစ်ယောက်လုံး ရန်ကုန်ကို လိုက်လာခဲ့ကြဧ။် ။ ရန်ကုန်ရောက်တော့ ညနေစောင်းချိန်ကိုရောက်နေပါပြီ။ ကျွန်မတို့ နေတာက တရုတ်တန်းနားမှာနေတာမို့ ညဆို အရမ်းစည်ပါတယ် ။ ရေချိုး အ၀တ်စားလဲပြီးတော့

*မိန်းမရေ  မောင် အောက်ဆင်းပြီး ၀က်သားတုတ်ထိုး ဆင်းစားအုံးမယ်*

*ကျွန်မလဲ လိုက်ချင်တယ် မောင်*

*အာနေခဲ့ပါကွာ ။ ပြီးမှ ကိုယ်ဘာကို ဆင်းစားပါကွာ ။ သွားပြီ *

ပြောလဲပြော သွားလဲသွားပါပဲ။ ထုံးစံအတိုင်း အစဉ်လာမပျက် ကျွန်မကတော့ ကျန်နေမြဲပေါ့လေ ။ မောင် ထွက်သွားတဲ့နောက်ကျောကို ငေးမောရင် သက်ပြင်းတွေကိုတာ အခါခါ ချမိလိုက်ပါတော့သည်။

*အောင်မလေးနော် ..မပြောချင်လို့ ကြည့်နေတာ ကြာပြီ။ လူးပါးဝလွန်းတယ်။ ငါသမီးကိုများ မစားကောင်းတဲ့ အသီးလိုဘဲ ။ မိတွေ ငုတ်တုတ်ရှိနေတာတောင် ဆက်ဆံပုံက အချိုးမပြေဘူး *

ရုတ်တရက်နောက်က ပေါ်လာတဲ့ မေမေ အသံကိုကြားလိုက်ရတော့မှ သတိဝင်လာပြီး မေမေကို နှစ်သိမ့်  ပြုံးပြလိုက်မိပါသည်။

* ပြုံးနေနိုင်သေးတယ်နော် ။ သမီးရယ် ငါသမီးလေး အိမ်ထောင်ကျထဲက အရင်ပုံစံလေးကို ပြန်တောင် အစကောက် လို့မရတော့ပါလားကွယ် ။ သမီးယောကျာင်္း ကိုလည်း မျက်စိထဲ တော်တော်လေးကို ထောက်မတွေ့တော့ဘူးကွယ် ။ မိဘတွေရှေ့တောင် ဒီလိုဆက်ဆံနေတာ  အမေရင်ထဲ မချိဘူး ။ သမီး ပိန်အောင်လုပ်စမ်းအေ ။ လှချင်တဲ့ စိတ်နည်းနည်းလေးတောင် မရှိဘူးလားကွယ် *

*သြော် ! လှချင်တာပေါ့ မေမေရယ် ။ ဘယ်သူက ခိုလို ပုံးဆိုးပန်းဆိုးဖြစ်ချင်မှာလည်းလေ*

*ခက်ပါတယ်အေ ။ ယောကျာင်္းဆိုတဲ့အမျိုးကလည်း လူတိုင်းနီးပါး အလှမက်ကြတယ်လေ ။ မလှရင်တောင် သေသေသပ်သပ်လေး ရှိစေချင်ကြတယ်အေ့ ။ ငါတော့ ရင်မောပါတယ် *

မေမေက ပြောပြောဆိုဆို အခန်းထဲကို ထထွက်သွားပါသည်။ မေမေတို့လည်း ကျွန်မအတွက် တော်တော်လေး စိတ်ဆင်းရဲနေကြရတယ်။ ကျွန်မ ပိန်ဖို့ အတွက်ဆိုလည်း ကုန်လိုက်တဲ့ ပိုက်ဆံတွေ မနည်းတော့ပါဘူး ။ ဘယ်လိုဘဲ လုပ်လုပ် ကျွန်မကတော့ ၀မြဲဝနေတော့တာပါပဲ ။

**********************************

ဝနေတဲ့ ခန္ဓာကိုယ် အတွက်နောင်တရ ရကောင်းမှန်းလဲ မသိခဲ့မိပါဘူး။ ဒီလိုနဲ့ အေးစက်စက် ဖြစ်မှန်းမသိ ဖြစ်လာတဲ့ ကျွန်မတို့ အိမ်ထောင်ရေးကို အက်ကြောင်းထင်စေခဲ့တဲ့ နေ့လေးတစ်နေ့ကို ရောက်ရှိလာစေခဲ့ပါတော့သည် ။

ညကအေးစက်သော လေပြေလေညင်းလေးတွေကို သယ်ဆောင်လာကြပေမယ့် ကျွန်မရင်ထဲထိရောက်အောင်တော့ အေးမြခြင်းတွေကို မပေးစွမ်းနိုင်ပါဘူး ။ ခုချိန်ထိ မောင်ပြန်မလာသေးပါလား ။ တစ်ယောက်နဲ့ တစ်ယောက် နားလည်မှုတစ်ခု မဖြစ်မနေ ထားသင့်တယ် မဟုတ်ဘူးလားမောင်ရယ် ။ တစ်ယောက်ထဲနေရတဲ့ အချိန်တွေ များလာတော့ ကျွန်မရင်ထဲ တိတ်တဆိတ်မျှော်လင့်မိတဲ့ ဆန္ဒလေးတစ်ခုက ပိုမိုလို့ ပြည့်ချင်စိတ်တွေ အားကြီးလာခဲ့တယ်မောင် ။ ကျွန်မမောင်ကို အမြဲနားလည်ပေးခဲ့တယ် ။ မောင် ထားတဲ့ မောင်နဲ့ ဝေးမှန်းမသိဝေးနေတဲ့ နေရာလေးတစ်ခုမှာ ကျွန်မနေပေးခဲ့ပါတယ် ။ ဒါတွေကို အသိမှတ်ပြုဖို့တောင် မောင်သတိမရခဲ့ဘူးမလားဟင်။ ဒီည မောင်ပြန်လာရင်တော့ ကျွန်မတို့ ဆွေးနွေးမှ ဖြစ်တော့မယ် ။

အတွေးတွေနဲ့ လွမ်းမောနေတဲ့ ကျွန်မအာရုံတွေကို မောင်ဆိုက်ကယ်သံက ထိုးဖောက်ဝင်ရောက်ချိန်မှာ ကျင့်သားရနေတဲ့ ခြေထောက်တွေက မောင်ကိုကြိုဆိုဖို့ စတင်လှုပ်ရှားနေပါပြီ။ မောင်က ကျွန်မကိုတွေ့တာ နဲ့ တာဝန်ကျေ အသက်မပါတဲ့ အပြုံးတစ်ခုကို တန်ဆာဆင်ပြုံးပြဧ။် ။ အခန်းထဲရောက်တာနဲ့ ရေချိုး အ၀တ်စားလဲ ပြီးတာနဲ့ အ်ိပ်ယာပေါ်လဲချလိုကတဲ့ မောင်ကို ကျွန်မ ပြန်ထိုင်စေရန် ထူလိုက်မိပါတယ် ။

*ဘာလုပ်တာလဲ ……..အိပ်တော့မယ်လေကွာ*

*ကျွန်မ မောင်နဲ့ စကားပြောစရာတွေ ရှိနေတယ်မောင်*

*စကားပြောချင်တာဘဲကွာ ဒီတိုင်းပြောလဲ ရနေတာကို*

*မောင်ရယ် ရှင် ကျွန်မကို အချိန်မပေးတာ တော်တော်ကို ကြာခဲ့ပါပြီ။ ခုပြောမှာတွေကိုတော့

အချိန်ပေး နားထောင်စေချင်လို့ပါ *

*ကဲ ဘာတွေပြောချင်နေလဲ ။ ပြောပြော*

*ကျွန်မကို မောင်ဥပက္ခပြုတာတွေ အရမ်းများလာပြီမောင် ။ ကျွန်မသည်းခံခဲ့ပါတယ် ။ ခုတော့ ကျွန်မ သူငယ်ချင်းတွေ ၊ မိဘအသိုင်းဝိုင်း ၊ ပတ်ဝန်းကျင်တစ်ခုလုံးကပါ ပြောကုန်ကြပြီမောင် *

*ဟာကွာ ! လူတွေ အားအားယားယား အတင်းပြောနေတာတွေကို မင်းမို့ ခေါင်းထဲလိုက်ထည့်နေတယ် ။ခက်လိုက်တာ*

*သူတို့ပြောတာ မလွန်ဘူးမောင် ။ ကျွန်မက မောင်ကို ချစ်တဲ့စိတ်တစ်ခုနဲ့ မောင် ပေးတဲ့ဆင်ခြင်တွေကို မျက်စိမှိတ်ယုံနေခဲ့ပေးတာပါ ။ ဒါပေမယ့် မောင်ရယ် ခုတော့ မောင် နဲ့ ကျွန်မက ဝေးမှန်းမသိ ဝေးနေရပြီမောင် ။ တအိမ်ထဲနေပြီး အဝေးကြီးဝေးနေတယ် ။ ကျွန်မ မောင်ကို သိပ်ချစ်တယ်ဆိုတာ မောင် အသိဆုံးပါ ။ ကျွန်မနားမှာ မောင်ထက်သာတာတွေ တပုံကြီးကို ထားပြီး မေမေ တို့ လုံးဝသဘောမတူတဲ့ မောင်ကိုမှ ကျွန်မက မြတ်မြတ်နိုးနိုး ရွေးချယ်ခဲ့တာပါမောင် *

 * ဟားဟ ! ဟုတ်ပါတယ်ကွာ ။ သာတာတွေ ထားပြီး ငါကိုရွေးချယ်ခဲ့တယ်နော် ။ အေး ခုချိန်မှာ မင်းကို ရူးရူးမူးမူး ဖြစ်ခဲ့တဲ့အကောင်တွေကို ခေါ်ပြီး မင်းခုပုံကို ယူမလားမေးကြည့်လိုက်စမ်းပါအုံး ။ မင်းပုံ မင်းမှန်ထဲသေချာ ပြန်ကြည့်ပြီးမှ ခုနစကားကို ပြောဖို့ကောင်းတယ်ကွာ *

ကျွန်မပြန်ပြောဖို့ စကားတွေ လုံးဝ နှုတ်ဆိတ်သွားခဲ့တယ် ။ ပြောထွက်တဲ့ မောင်နှုတ်ဖျားကစကားသံတွေ ၊ ကျွန်မကို မောင်ကြည့်လိုက်တဲ့ အထင်သေး မှုမျက်လုံးတွေ က ကျွန်မရင်ထဲက ပုန်းလျှိုးနေတဲ့ မာနတွေကို တူးဆွ ဖော်ထုတ်လိုက်ကြပါပြီ။ မောင်ကို ချစ်နဲ့ ချစ်ခြင်းတွေက ကျွန်မ မာနတွေနဲ့ ပြိုင်ဆိုင်လိုကတဲ့ အချိန်မှာ နောက်ကျ ကျန်နေခဲ့ပါပြီ ။ မောင်ကတော့ ပြောချင်တာတွေကို စကားနိုင်လုပြောခဲ့စေသလား ၊ တမင်ကိုပြောချင်လို့ ပြောခဲ့ခြင်းမျိုးလားဆိုတာကတော့ ကာကယံရှင် မောင်ကိုယ်တိုင်တာ အသိဆုံးဖြစ်ပါလိမ့်မည် ။ ပြောချင်တာတွေ ကျေနပ်အောင် ပြောပြီး မောင်က နှစ်ခြိုက်စွာ အိပ်ပျော်သွားခဲ့ပေမယ့် ကျွန်မမှာတော့ တညလုံးအိပ်မပျော်နိုင်ခဲ့ပါဘူး ။

မိုးလင်းခံနီးအချိန်မှာတော့ ကျွန်မဆီမှာ တိကျသေချာတဲ့ ဆုံးဖြတ်ချက်တစ်ခုကို ပိုင်နိုင်စွာ ချလိုက်နိုင်ပါပြီ။ ဆုံးဖြတ်ချက်နဲ့အတူ မောင်နဲ့ အဝေးဆုံးကို ကျွန်မ ထွက်ခွာလာခဲ့ပါတော့သည်။

*******************************************

အားလုံးကို ရှောင်နေခဲ့တာ  ခုဆို 6လ တင်းတင်း ပြည့်ခဲ့ပြီမို့  အိမ်ကို ပြန်ဖို့ အချိန်လည်းတန်ခဲ့ပါပြီ။ ကျွန်မဖြစ်ချင်တာလေးတွေကို

လည်း ဖြစ်ခွင့်ရခဲ့လေပြီ ။ မြို့လေးကို ပြန်ရောက်တာနဲ့ မေမေတို့ဆီဘဲ တန်းတန်းမတ်မတ် ပြန်လာခဲ့မိပါသည် ။ အိမ်ထဲကို

ဝင်လိုက်တယ်ဆိုဘဲ

 * အမ ဘယ်သူနဲ့တွေ့ချင်လို့ပါလဲ *

ဆိုတဲ့ ညီမ၀မ်းကွဲလေး အသံကို ကြားလိုက်ရပါတယ် ။ ကျေနပ်ခြင်းတွေ ရင်ထဲမှာ ပျော်ဝင်စီးမျောသွားပါတော့သည် ။ ကျွန်မကို ဘယ်သူမှ မမှတ်မိကြပါလား ။ ကျွန်မ မောင်ကို ထားရစ် ခဲ့တဲ့ 6လအတော်တွင်းမှာ ပြင်းပြင်းထန်ထန် ၀ိတ်ချခဲ့ပါတယ် ။ အရင်က 195 ပေါင်တိတိ ရှိတဲ့ ကျွန်မ ခန္ဒာကိုယ်က ခုဆိုရင် 135ပေါင်တာရှိပါတော့တယ် ။ ကျွန်မ သိပ်ဝတ်ချင်ခဲ့တဲ့ အ၀တ်စားတွေ အားလုံးလည်း ၀တ်လို့ရခဲ့ပါပြီ။

* ဟဲ့ ။ ဝေေ၀ မမလေ။ မမှိတ်ဘူးလား *

ဒီတော့မှ ပြူးကြောင်ကြောင် ကြည့်နေတဲ့ ညီမက မှတ်မိ သွားပါတော့သည် ။ မေမေဆို ၀မ်းသာလွန်းလို့  ငိုတဲ့အထိပါဘဲ ။ အားလုံးနဲ့ ပြောဆိုပြီးချိန်မှာ မေမေက စကားစလာပါတော့သည် ။

* သမီး ရှေ့ဆက်ဖို့ ဘယ်လို ဆုံးဖြတ်ထားလဲ ။ သမီးယောကျာင်္းကတော့ သမီးထွက်သွားတဲ့ အတွက်လည်း ခံစားရပုံ သိပ်မပေါ်ပါဘူး ။ တာဝန်ကျေတော့ လာမေးတယ်လေ။ မေမေတို့လည်း သမီး ဘယ်မှာရှိနေတယ်ဆိုတာ မသိတော့  အရမ်းစိတ်ပူနေတဲ့အချိန်ဆိုတော့ သူကို ကောင်းကောင်းကို စကားမပြောချင်ဘူး ။ သမီး ဖေဖေဆို သူမျက်နှာကို မကြည့်ချင်တာ ။ ဒါပေမယ့် သမီး တို့ချင်းတွေ့ကြည့်ပါအုံးလေ။ သူဘာတွေပြောလာမလဲ ဆိုတာ နားထောင်ကြည့်ပေါ့ ။ မေမေတို့ကတော့ ဘာမှ မစွတ်ဖက်လိုပါဘူး ။ သမီး စိတ်တိုင်းကျတာ ဆုံးဖြတ်ပါ ။ သမီးလျှောက်ရမယ့် လမ်းကို သမီး မှန်ကန်စွာ ရွေးချယ်နိုင်ပါစေကွယ် *

* ဟုတ်ကဲ့ပါ မေမေ ။ သမီး ဆုံးဖြတ်ပြီးတားပါ ။ သူနဲ့ တွေ့ကြည့်လိုက်ပါ့မယ်  *

သူနဲ့ဆုံဖို့ ဖုန်းဆက်လိုက်ချိန် ကျွန်မ အသံကို မောင် ကြားလိုက်ရချိန် တော်တော် အံ့သြနေခဲ့ပါတယ် ။ ကျွန်မကို တွေ့လိုက်ရချိန်မှာတော့ သူလက်ထဲက ဖုန်းလေး ကြမ်းပြင်ပေါ် လွတ်ကျသွားတဲ့ အထိကို မောင် အံ့သြမှင်သက်သွားစေခဲ့တယ် ။ ကျွန်မ မောင်မျက်နှာကို နောက်ဆုံးအနေနဲ့ သေသေချာချာကို စိုက်ကြည့်ပြီး စကားလုံးတွေကို အေးဆေးစွာ ပြောထွက်နိုင်ခဲ့အောင် ကျွန်မ မာနတွေက တွန်းအားတွေ ပေးစေခဲ့တယ် ။

* မောင် ကို ကျွန်မ သိပ်ချစ်ခဲ့ပါတယ် ။ ခုချိန်ထိ သိပ်ချစ်နေဆဲပါမောင် ။ ဒါပေမယ့် ရှေ့ဆက် လက်တွဲ လျှောက်ဖို့ဆိုတာကတော့ ကျွန်မ မာနတွေက လုံးဝ လက်မခံတော့ပါဘူး ။ ကျွန်မတို့ ဇာတ်လမ်းလေး အပြီးတိုင် အဆုံးသတ်ဖို့ မောင် ကျွန်မကို ကွာရှင်းပေးပါ တော့မောင် ။ မောင်ကို ဆက်သည်းခံပေးဖို့ ကျွန်မမှာ အားအင်တွေ ကုန်ခမ်းနေပါပြီ။ ခံနိုင်ရည်တွေလည်း ကုန်ခမ်းနေပါပြီ ။ မောင်ကို ကျွန်မနားလည်ပေးခဲ့သလို ....ကျွန်မကို တစ်သက်လုံး ဘယ်တုန်းကမှ  နားလည် မပေးခဲ့တဲ့ မောင် ဒီတခါတော့ နားလည်မှုလေး တစ်ခုထားပြီး ကျွန်မကို ကွာရှင်းပေးပါမောင်  *

နှစ်တွေတော်တော်ကြာအောင် ပေါင်းဖက်လာတဲ့ ဇနီးမောင်နှံတွေမို့ မောင် သိနေခဲ့ပါတယ် ။ ကျွန်မကို တောင်းပန်ဖို့ မရနိုင်တော့ဘူးဆိုတာကိုပေါ့ ။ ဒါကြောင့် တစ်ယောက်နဲ့ တစ်ယောက် နားလည်မှု တခုနဲ့ လမ်းခွဲပြတ်ဆဲလိုက်ကြပါတော့သည် ။တရားရုံးပေါ်က ဆင်းလာတဲ့အချိန်မှာ မောင်မျက်နှာကို တချက်လှည့်ကြည့်ကာ နှုတ်ဆက်လိုက်ချိန်ကစပြီး ကျွန်မဘ၀ထဲကနေ မောင်ဆိုတဲ့ လူတစ်ယောက်ကို  အပြီးတိုင် ထုတ်ပစ်လိုက်ပါတော့သည် ။ မောင်နဲ့ အဝေးဆုံး နေရာလေးတစ်ခုမှာဘဲ ကျွန်မဘ၀လေးကို ဆက်လက်ရှင်သန်ပါရစေတော့ မောင် ။ ကျွန်မ မသိစိတ်ထဲမှာ  ပုန်းလျှိုးနေခဲ့တဲ့ မာနတွေကိုမှ မောင်ရဲ့ ရက်စက်တဲ့ စကားလုံးရှာဖွေစက်နဲ့ ဖော်ထုတ်စေခဲ့တယ်လေ ။ မောင်လို့ အမြတ်တနိုးခေါ်ခဲ့တဲ့ လူတစ်ယောက်ကို လှည့်ကြည့်ချင်စိတ်မရှိလောက်အောင် နာကြည်းသွားခဲ့ပါပြီ။ မောင်ကို နားကြည်းစေတတ်စေဖို့ ပထမ ဆုံး သင်ပေးခဲ့တာတော့ မောင်ပြောခဲ့တဲ့ စကားစုလေး

ဟားဟ ! ဟုတ်ပါတယ်ကွာ ။ ငါထက် သာတာတွေ ထားပြီး ငါကိုရွေးချယ်ခဲ့တယ်နော် ။ အေး ခုချိန်မှာ မင်းကို ရူးရူးမူးမူး ဖြစ်ခဲ့တဲ့အကောင်တွေကို ခေါ်ပြီး မင်းခုပုံစံကို ယူမလားမေးကြည့်လိုက်စမ်းပါအုံး ။ မင်းပုံ မင်းမှန်ထဲသေချာ ပြန်ကြည့်ပြီးမှ ခုနစကားကို ပြောဖို့ကောင်းတယ်ကွာ ။

ဒီစကားစုလေးကြောင့် ကျွန်မ မာနတွေ ပုန်းလျှိုးနေရာကနေ ပေါ်ထွက်လာခဲ့တယ်  ။ ဒုတိယ ပြတ်သားစေခဲ့တာကတော့ ကျွန်မ ဘ၀တစ်လျှောက်လုံး ပုန်းလျှိုးနေခဲ့တဲ့ ကျွန်မရဲ့ မာနတွေပါပဲ ။ မောင်ကို သိပ်ချစ်ခဲ့ဖူးပေမယ့် ပုန်းနေရာက ပေါ်လာတဲ့ ကျွန်မ မာနတွေ နဲ့ ပြိုင်ဆိုင်ကြတဲ့ ………………………

ခိုင်လေး (ရွှေတောင်)