ကြိုးပြတ်တဲ့..စွန်

စွန်ဆိုတဲ့ ဘ၀က..တစ်မိုးတွင်းလုံး အသိုက်အမြုံအောင်း..

မိုးကုန် ဆောင်းဆန်းတော့..အတောင်အလက်ခါ..လေဟုန်စီးဖို့ပြင်..

ဖိုမသံဝါသအတွက်..ဟစ်ကြွေးသံပေး..တိုက်ခိုက်စရာရှိတိုက်ခိုက်..

လွတ်လပ်မှုကိုခံစား ဒါပဲပေါ့..။

စွန်ဆိုပေမဲ့..ကျွန်တော်တို့ ဘ၀ကတစ်မျိုး..

မိုးတွင်းဆို..ဈေးဆိုင်တစ်ခုရဲ့အပေါ်ထပ်မှာ..ကြွတ်ကြွတ်အိပ်နဲ့ထည့်ချောင်ထိုးခံခဲ့ရ..

ဆောင်းရောက်လို့..ကလေးတွေတစ်အုပ်ကြီးရောက်လာပြီး..

“ အန်တီ..စွန်ရောင်းဖို့ရှိလား..” ဆိုမှ..ကျွန်တော်တို့ကိုသတိရကြတာပါ..

ဒီလိုနဲ့ ကျွန်တော်တို့ စွန်တစ်မြုံလုံး..ကလေးတွေလက်တွင်းသက်ဆင်းခဲ့ရပြန်တယ်..

သူတို့ပျော်တော့ ကျွန်တော်တို့လည်းပျော်ပါ့…။

တစ်မိုးတွင်းလုံး..ဖုံအလိမ်းလိမ်းနဲ့..မွန်းကြပ်ခဲ့ရတဲ့ဘ၀..

ခုတော့..ကျယ်ပြန့်တဲ့ကွင်းစပ်လေးတစ်ခု..ကုက္ကိုပင်ရိပ်က ကောင်းကောင်း ..

ကလေးတစ်ချို့..ကျွန်တော်တို့ကို..သူတစ်ကောင်..ငါတစ်ကောင်..ဝေမျှယူကြ..

သူတို့လက်ထဲမှာ..အရပ်ဖြစ် မှန်စာတိုက်ထားတဲ့အပ်ချည်ကြိုးစွန်ဘီးလုံးကိုယ်စီနဲ့ပေါ့ ။

ကျွန်တော်ရဲ့သခင်ကတော့..နှောင်ကြိုးတစ်မြှင် တပ်ဆင်နေပါရောလား..ဆိုင်းကြိုးတဲ့လေ..

ဆိုင်းကြိုးလေးကိုအသာဆွဲမလို့..ဟိုဖက် ဒီဖက် ချိန်ဆ..မဲတင်းချင်နေပုံရပါတယ်..

သူငယ်ချင်း အားလုံး ဆိုင်းကြိုးကိုယ်စီ..

လေဟုန်စီးဖို့..အသင့်..ဒါပေမဲ့ နှောင်ကြိုး..။

အလို..ဘုရား..ဘုရား..ဟိုတစ်ယောက်က ထူးဆန်းလှပါလား..

စွန်တစ်ကောင်ကို..အမြီးးတပ်လို့ပါလား ..ရီစရာ..မင်းတော့အခြောက်ဖြစ်ပြီ..

နောက်တော့..ကြိုးတစ်စမှာ..ချည်နှောင်ခြင်း အသီးသီးခံလိုက်ကြရပါတော့တယ်..

တော်လိုက်ကြတဲ့ ကလေးတွေ....ခဏလေးမှာပဲ..လေဟုန်စီးခွင့်ရ..

အိုလှလိုက်တဲ့ကောင်းကင်ကြီးရယ်..။

အောက်ဖက်မှာတော့  ပန်းချီကားတစ်ချပ်

ဟိုမှာစိမ်းညို့တဲ့တောအုပ်လေး..

ဟိုမှာ ကွင်းပြင်ကွင်းပြန့်..အ၀ါနဲ့ အစိမ်းရောယှက်လို့..

မြစ်လေးတစ်စင်းက..ဖဲကြိုးတွန့်လေးလို..မိုးကောင်းကင်ကြီးက..ပင်လယ်ကြီးတစ်မျှ..

အားလုံးဟာ ကဗျာတစ်ပုဒ်လို..စည်းချက် ၀ါးချက်ညီ..ရစ်သမ်မိ..တကယ့်ဟာမိုနီ..

လောကဆိုတာ..ဘ၀ဆိုတာ ဘယ်ဆိုးလို့လဲ..။

ငှက်တစ်အုပ်ပါလား..ဘာလဲဟ..

သူတို့အကြည့်က..ပြုံးစိစိ အထင်သေးသလိုလိုနဲ့ အတောင်ရှိမှ ပျံနိုင်ရမှာတဲ့လား..

မတူသလို..မတန်သလိုနဲ့..ခပ်ခွာခွာကပဲ..သူတို့ပျံထွက်သွားကြတယ်..

ဒေါသ..ဖြစ်ဖြစ်နဲ့ သူတို့နောက် လိုက်မိသေးတယ်..

မရဘူးဗျာ.. ကျွန်တော့်သခင်က ခွင့်မပြုဘူးလေ.. ရှိစေတော့ ။

လောက အလှခံစားကောင်းတုန်းမှာပဲ..

ဘ၀တူ စွန်တစ်ကောင် မယောင်မလည် အနားကပ်လာပါလား..ရိုးသားပုံမရ..

ကျွန်တော့်ကို ခပ်လှန်းလှန်းက..အကဲခပ်လို့..

သေချာကြည့်လိုက်တော့..တစ်မိုးတွင်းလုံး အတူနေခဲ့သူ..သစ္စာဖေါက်..

ခုဘာကြောင့်..အလစ်ချောင်းနေရတာလဲ..သူအနားကပ်ဖို့အားထုတ်နေပါရောလား..။

ကျွန်တော် ဂျွမ်းတစ်ပတ်ထိုးလို့..အပေါ်စီးနေရာရဖို့..ထောင်တက်လိုက်တယ်..

သူလိုက်လာပါတယ်..သူလဲအတိုက်အခိုက် ကျွမ်းပုံပဲ..သတိထားရတော့မယ်..

လူသားတွေရဲ့လေကြောင်းတိုက်ပွဲလို.အကူကရိယာရှိတာမဟုတ်..

ကိုယ့်ကျွမ်းကျင်မှုသာအသက်ရှင်ရာ..သူအမျိုးမျိုး မျှားခေါ်နေပါတယ်..

သူ့ရဲ့ဗျူဟာအောက်ကို တစ်ချိန်မှာ..ကျွန်တော်ရောက်လုလု..

ဒါပေမဲ့ နောက်ဆုံးမှာတော့..သစ္စာဖေါက်တစ်ကောင်ရဲ့..သွားရာလမ်း..

ကြိုးပြတ်မြောပါ..သွားပေတော့..လေစီးကြောင်းရဲ့သယ်ဆောင်ရာ..။

အောင်ပွဲဆိုတာဒါပဲကိုး...ချိုမြိန်လိုက်တာ..ဘယ်ကောင်လာအုန်းမလဲ..

သူစိမ်းရော..သူငယ်ချင်းရော..ငါ့ရဲ့ အမြင့်ဆုံးနေရာကို..ဘယ်သူလုချင်လဲ..

ဒီလိုနဲ့..တစ်ညနေလုံး အနားမရ..အစိမ်း အကျက်ပေါင်းစုံနဲ့..တိုက်လိုက်ရတာ..

ကျွန်တော်လေ..တိုက်ပွဲတစ်ရာ..အောင်ပွဲတစ်ရာ..

ကောင်းကင်ပြင်ကြီးမှာ..ငါ..ငါ..။

ပြောရင်းဆိုရင်း..သာယာမိန်းမောမှုရဲ့..အလစ်အငိုက်မှာ..

တုံ့ကနဲ..တစ်ချက်..ဆောင့်ဆွဲခံလိုက်ရသလို..ဘုရား..ဘုရား..ကျွန်တော်..နောက်ကျသွားပြီ..

ရန်သူက အထက်စီးကနေဂျွမ်းစိုက် ..ထောင်တက်..ကျွန်တော်ရစ်ပတ်ခံလိုက်ရပါပြီကော..

စွန်တိုက်ပွဲဆိုတာ..

အထက်စီးက နေရရင်..ရစ်ဘီးကို..မဆိုင်းအတွ..ရစ်နိုင်မှ..သိမ်းကျုံးယူ..

အောက်သက်က နေရပြီ ဆိုရင်တော့..အလျှော့ပေးလေရော့..လက်ကုန် ကြိုးကုန်..

ကြိုးအကုန်မှာ..ကျွန်တော်..ငုတ်တုတ်ပေခံနေရပါတော့တယ်.

“ တောက်..”  ဆိုတဲ့

စွန်ကြိုးပြတ်သံနဲ့အတူ..

 “ ပြတ်ပီဟေ့..လိုက်ကြ..လိုက်ကြ..” ဆိုတဲ့ ကလေးတစ်သိုက်..စွန်လိုက်ဝါးလုံးတွေနဲ့..

ချက်စားမဲ့ အိမ်ကြက်တစ်ကောင်ကို..လိုက်နေသလို..

ကျွန်တော်..အထိမ်းအကွပ်မရှိ..ချာချာလည်..မူးဝေ..

လှပတဲ့တောအုပ်လေလား..လူသူကင်းဝေးတဲ့..ကွင်းပြန့်လေးလား..ကံပစ်ချရာပေပဲ..

အမြီးတပ်ခံရတဲ့..စွန်လေးရေ..မင်းက..ငြိမ်သက်လို့ပါလားကွာ..။

“ ငါအရင်မိတာ..”

“ လူလည်မကျနဲ့..ငါအရင်ကွ..”

ဒီလိုနဲ့.. အစွန့်ပစ်ခံ..စွန်တစ်ကောင်ဟာ..ကလေးတစ်သိုက်ရဲ့..လုရက်မှုအောက်မှာ..

အပိုင်းပိုင်း..အစစ..။