အမေ...
အမေ့ရဲ့ဆုံးဖြတ်ချက်ကို သားဂုဏ်ပြုပါတယ်အမေ..
အမေကသံသရာလွတ်ကြောင်း ခန္ဓာငြိမ်းကြောင်း တရားကောင်းတွေကို ကျင့်ကြံပွါးများ
အားထုတ်နေတဲ့အချိန်မှာ..သားဖြစ်သူက သံသရာလည်ကြောင်း..ခန္ဓာရကြောင်း..
ဘဝလမ်းကြောင်းပေါ်စွဲခေါ် မတင်သင့်ဘူးဆိုတာ..သား..နားလည်ပါတယ်..အမေ....။
''အမေ့ကို လာမကြိုနဲ့ ယောဂီအဖွဲ့တွေနဲ့ပဲ ပြန်လာမယ်''..တဲ့ အစ်ကိုဖြစ်သူက
ပြောပြလာတော့..သား တစ်ချက်တွေဝေသွားတယ်..အမေ.. ၊ ရင်ထဲမှာလည်းစို့နင့်လာသလိုပဲ..
''ဟင်..ဘာ့ကြောင့်လဲ..ဘာဖြစ်လို့လဲ..''လို့ အစ်ကို့ကို ပြန်မေးမိတယ်
''ဆရာတော့်ဆီက..တဘက်မရမချင်း မလာဘူး..တဲ့ '' လေ..
တဘက်ဆိုတာ..ဆရာတော်က ယောဂီတစ်ဦး တရားရ..တရားမိတဲ့ အထိမ်းအမှတ်အနေနဲ့ပေးတာပါ
ဒါကို..သား..နားမလည်ရှာဘူး..
''တဘက်လိုချင်တာများ..လို့..'' နောက်ဆက်တွဲ စကားမရှိပဲ သားဆိုမိတော့
အစ်ကိုက ပြုံးပြတယ်လေ......။
သားသိပါပြီအမေ..ဒီတဘက်ကလေး တစ်ထည်ကို သားဝယ်ပေးနိုင်တယ်ဆိုတာ
အမေသိပါတယ်..(အားလုံးလည်း သိကြမှာပါဘဲ) ဒါပေမယ့် သားအမေက သားတဘက်ကို ဘယ်မက်မောရှာလိမ့်မလဲ..သား ဝယ်ပေးမယ်ဆိုတဲ့ တဘက်မှာ.. သံယောဇဉ်တွေရှိတယ်လေ..အောက်စွဲတရားတွေဖြစ်လာမယ်ဆိုတာ..
ကြိုသိထားတယ် အမေရေ..ဒီတော့..အမေ့ရဲ့ဆုံးဖြတ်ချက်ကို..သားဂုဏ်ပြု..ဂုဏ်ယူမိတာပါ..။
ဟုတ်တယ် အမေ..ဆရာတော့်ဆီက ရရှိမယ့် တဘက်မှာ ဘာသံယောဇဉ်မှ မရှိပါဘူး..
ဘာအောက်စွဲတရားမှလည်း မရှိပါဘူး..၊ အမေ ရွေးချယ်တာ မှန်ပါတယ်.. ''အမေ..လာမကြိုနဲ့ဆို..ယောဂီတဘက်မရမချင်း ပြန်မလာဘူးဆို '' ဒီလို အမေ့ကို သားလာမေးချင်ပေမယ့်..သားမြင်လျှင်..အမေ သံယောဇဉ်တွေထပ်ဖြစ်.. တရားတွေလစ်ဟသွားမှာကိုလည်း စိုးရိမ်မိတယ်..
တရားစခန်း သွားခါနီးတုန်းက..ပြောခဲ့တဲ့စကားတွေ..(.................)
''အမေရေ..အမေမေ့ပြီလား.."
"အမေပြန်လာမှ..သားလည်းပုသိမ်ပြန်မှာနော်.."
ဒီလို..လာပြီး သတိပေးချင်ပေမယ့် အမေ့ကိုငဲ့ကွက်..တရားမပျက်စေဘို့...ရှေ့ဆက်မယ့် ခြေလှမ်းတွေ
ပြန်လည်ရုပ်သိမ်းခဲ့ရပါတယ်အမေ...
ဒီအချိန်..အမေ့နှလုံးသားမှာ..တရားတွေပဲရှိစေချင်တယ်..တရားတွေကပဲ စိုးမိုးထားစေ
ချင်တယ်..အမေ့နှလုံးသားမှာ..တရားပျောက်ပြီး..သားမရောက်စေချင်ဘူး..အမေ..။
"................... မင်း ပုသိမ်ကို အေးအေးဆေးဆေးပြန်..". သား..ကိုယ့်ကိုယ်ကို ပြောမိတာပါ..အမေကခဏလေးခွဲပြီး.. တရားစခန်းဝင်နေတာပါ..သားက..ပုသိမ်ပြန်ပြီး..အမေ့ကို အကြာကြီးခွဲရဦးမှာလေ..
ဒီတော့..ကိုယ်ချင်းစာပါတယ်အမေ..တရားရိပ်သာမှာ..အမေစိတ်ချမ်းသာတဲ့အထိ နေပါ..၊ သားကိုမေ့လက်စနဲ့ပဲ..ဆက်လက်ပြီးမေ့ထားလိုက်ပါအမေ.. သားလည်း..အချိန်တန်လျှင်..ပုသိမ်ပြန်ပါတော့မယ်..
ဒါပေမယ့်.... "သား..ရဲ့သံယောဇဉ်တွေကတော့ အမေ့ယောဂီ တဘက်ကလေးလို..အမေ့ကိုရစ်ဖွဲ့လို့..
ကျန်နေခဲ့ဦးမှာပါ...ချန်နေခဲ့ဦးမှာပါ.........။ ။
{ ၃ဝ ၊ ၆ ၊ ၂ဝဝ၇ } စနေနေ့...။
ဦးဦးဇင်း.....ရင်တွင်းဖြစ်
{ ပုသိမ်ရောက် အမှတ်တရ }