" အိမ်ဝေးသူ အိမ်းလွမ်းသူများထံမှပေးစာများ.."ပေးပို့သူ မမလေး

“ အိမ်ဝေးသူအိမ်လွမ်းသူတို့၏ပေးစာများ..” အတွက်ရောက်ရှိလာသော

ပထမဆုံးစာဖြစ်ပါသည်။နိုင်ငံရပ်ခြားအိမ်ဝေးသူများတွက်သာရည်ရွယ်ခဲ့သော်လည်း

မမလေး၏ ယခုအိမ်ဝေးအိမ်လွမ်းပုံလေးမှာ..တစ်မျိုးတစ်ဘာသာလေးမို့

အကဲဖြတ်ပေးကြစေချင်ပါသည်…။

…………………………………………………………………………………………………..

ချစ်ဖေဖေ၊ ချစ်မေမေနှင့်မောင်လေးသို့…

အင်းစိန်ဘ၀တက္ကသိုလ်ရဲ့နံရံလေးဖက်ကြားက..အခန်းငယ်လေးတစ်ခုအတွင်းမှာ..

အိမ်ဝေးအိမ်လွမ်းနေတဲ့သမီးတစ်ယောက်အတွက်စိတ်သောကရောက်နေမယ်

ဆိုတာ..သမီးသိနေလျက်ပါ..။

သမီးမမလေးကိုအကျဉ်းချထားပေမဲ့..မမလေးရဲ့စိတ်၊မမလေးရဲ့ယုံကြည်ချက်ကိုတော့

ဘယ်အုတ်နံရံ..ဘယ်သံတိုင်များကမှချုပ်နှောင်ထာနိုင်စွမ်းမရှိကြပါရှင့်..

ဒီနေ့ညဟာလပြည့်ညပေမဲ့..သမီးနေနေတဲ့အခန်းလေးထဲမှာတော့စင်္ကြန်လမ်းရဲ့မုံပြပြ

လေးဆယ်ဝပ်မီးသီးလေးတစ်လုံးရဲ့အလင်းရောင်လေးပဲရှိလေရဲ့..။အလင်းရောင်တိုင်းဟာ

ဘ၀ရဲ့အားမာန်လို့သမီးမှတ်ယူထားပါတယ်..။

“ တရားသဖြင့်ကိုမတရားသဖြင့်ကအနိုင်မယူနိုင်ပါဘူးသမီးရယ်.”ဆိုတဲ့ဖေဖေရဲ့

သွန်သင်ချက်ဟာသမီးရဲ့နှလုံးသားအနက်ရှိုင်းဆုံးနေရာလေးမှာ..

“ အရာရာကို စိတ်ရှည်သီးခံနိုင်ရမယ်..သမီး..” ဆိုတဲ့မေမေဆုံးမစကား

သမီးနှလုံးသားမှာစွဲမြဲလျက်ပါ..။

သမီးမုန်းတီးလှတဲ့..ဒီအင်းစိန်ဘ၀တက္ကသိုလ်ကြီးဟာ..အရုပ်ဆိုးအကြည်းတန်လှပေမဲ့

သင်ခန်းစာတွေကတော့ပြည့်နှက်လို့ပါ..တတ်နိုင်သမျှသင်ယူလျက်ပါ..

လူတစ်ယောက်ရဲ့လွတ်လပ်ခွင့်တန်ဘိုးဆိုတာတွေ..လူ့အခွင့်အရေးဆုံးရှုံးမှုတွေ..

ယုံကြည်ချက်အတွက်..အလံမြေမကျစေရဆိုသူတွေရဲ့လေးစားဖွယ်သတ္တိတွေ..

ဆင်းရဲမွဲတေမှုရဲ့သားကောင်ဇာတ်လမ်းတွေ..

သိုးယောင်ဆောင်ထာတဲ့မြေခွေးတွေ..ကျားငစင်းလဲတွေ စုံလို့ပါ..။

ဖေဖေနဲ့မေမေရှင့်..

အမှောင်ထဲမှာ..ဘ၀ရဲ့အလင်းကိုသမီးအတတ်နိုင်ဆုံးရှာဖွေနေတတ်ပြီမို့

တင်းတိမ်ရောင့်ရဲခြင်းဟာ..သမီးရဲ့အကောင်းဆုံးမိတ်ဆွေဖြစ်နေပြီမို့

သမီးမမလေးတစ်ယောက်..ဒီတက္ကသိုလ်ကြီးကကျောင်းဆင်းလာရင်

ဘ၀ကို ပိုပြီးဒဿနဆန်ဆန်ရင်ဆိုင်တတ်လာမှာပါ..

သမီးအတွက်..စိတ်ချနေပေးကြပါ..

အိမ်ဝေးအိမ်လွမ်းနေသော..

မမလေး(အင်းစိန်ဘ၀တက္ကသိုလ်)

…………………………………………………………………………………

ယုံကြည်ချက်ကြောင့်အင်းစိန်ဘ၀တက္ကသိုလ်သို့တက်ရောက်ခွင့်

ရရှိခဲ့ရသောနေ့ရက်များသို့..အမှတ်တရ..တမ်းတမှု..။

………………………………………………………………………………….