အရှက်တရားကို အလွဲသုံးစားလုပ်သူများ
![]()
ကျွန်မနဲ့သိတဲ့ လုပ်ငန်းရှင် လေးလေး တစ်ယောက် ယမန်နေ့က စိတ်ဆိုးမာန်ဆိုးနဲ့ သူ့လက်အောက်က တပည့်တစ်ယောက်ကို တရားစွဲပါတယ်။
အမှုကတော့ အလွဲသုံးစားမှုတဲ့
"ဘယ့်နှယ့်ကွာ၊ ယုံကြည်လို့ ခိုင်းပါတယ်။ သူက အလွဲသုံးစားလုပ်တယ်။ ငွေကုန်တာကို ငါဒီလောက် မဟုတ်ဘူး။ ယုံကြည်မှုကို ရိုက်ချိုးသွားတာ တရားစွဲမယ်"
အရင်းအမြစ်ကို မေးကြည့်တော့
အဆိုပါ လေးလေးရဲ့ အလုပ်သမားက အလုပ်ရှင် ခိုင်းထားတဲ့ ပိုက်ဆံကို သူ့ကိုယ်ရေးကိုယ်တာမှာ သုံးစွဲလိုက်ပါသတဲ့။ ပြီးတော့ လိမ်ညာ လှည့်ပတ်ပြီး ငွေတွေကို တစ်ပတ်ရိုက်လိုက်ပါသတဲ့ရှင်။
ဒါကို ငွေအလွဲသုံးစား လုပ်မှုနဲ့ အချုပ်ထဲ ပို့လိုက်ပါလေရော။
ဒီမှာတင် သူတို့ ဇာတ်လမ်းတစ်ခန်းရပ်ပါတယ်။
မရပ်နိုင်တာက ကျွန်မ မမမေရဲ့ အတွေးတွေပါ။
=====================================
![]()
ငွေကို သုံးရမယ့်နေရာမှာမသုံးဘဲ သုံးချင်တဲ့နေရာမှာသုံးမိတော့ ငွေအလွဲသုံးစားမှုတဲ့
ကျွန်မစဉ်းစားမိတယ်
ရှက်သင့်တဲ့နေရာမှာ မရှက်ဘဲ မရှက်သင့်တဲ့နေရာမှာ ရှက်ရင်တော့
"အရှက်တရားကို အလွဲသုံးစွဲလုပ်မှု" ပဲဖြစ်တော့မှာပေါ့
ကျွန်မ တရားတော်တစ်ပုဒ်မှာ နာယူမှတ်သားဖူးပါတယ်။
"အရှက်တရားဆိုတာ လူနဲ့ တိရိစ္ဆာန်ကြားမှာ တားထားတဲ့စည်းရိုးတစ်ခုပါတဲ့ရှင်။"
လူမှန်ရင် ဟိရိသြတ္တပတရား -- မဟုတ်တာလုပ်ရမှာကို ကြောက်ရမယ်ဆိုတဲ့ လူ့စည်းလေး ရှိပါတယ်။
အဟိတ်တိရိစ္ဆာန်များမှာတော့ လူမြင်ကွင်းလည်း ရှက်ဖွယ်လိလိတွေ(လူတွေအတွက်ရှက်စရာ ပင်မယ့် သူတို့အတွက် မရှက်စကောင်း)ကိုလည်း ပြုမူချင်ပြုမူမယ်။
လူများမှာတော့ အဆိုပါတရားနဲ့ ထိန်းချုပ်နေကြရသည်မဟုတ်ပါလားရှင်။
တွေးဖြစ်ပုံလေးက ဒီလို…………….
=====================================
![]()
ခေတ်ကာလရယ် ထူးဆန်းပုံများပေါ့
ကျွန်မ မမမေတို့အိမ်ကို ရန်ကုန်က ညီမငယ်တစ်ယောက် အလည်ရောက်လာပါတယ်။
ညနေပိုင်း ထမင်းစားသောက်၊ ဘုရားတွေလိုက်ပို့၊ အိမ်ပြန်ရောက်တော့ စကားတွေပြောပေါ့….
ညီမငယ်လေးက ကျွန်မဆီလည်း အလည်လာရင်း သူ့ချစ်သူကောင်လေးကိုလည်း လာတွေ့ရင်းနဲ့ပါ။
ကျွန်မက ည ၉ နာရီလောက် စကားလည်းပြောပြီး၊ ညီမငယ်ကိုလည်း ဧည့်ခံပြီး ဘုရားဝတ်ပြုခဲ့ပါတယ်။
ထုံးစံအတိုင်း ဘုရားဝတ်ပြုပြီး ဖေဖေနဲ့ မေမေကို ရှိခိုးကန်တော့ နေတော့
အဆိုပါ ညီမလေးက ကြည့်နေရှာတယ်။ နောက်တော့
"မမမေ အဲ့လို အန်ကယ်လ်နဲ့ အန်တီ့ကို နေ့တိုင်းကန်တော့လားဟင်"
"အင်းပေါ့ ညီမလေးရဲ့။ ညီမလေးရော မကန်တော့ဘူးလား၊ ကျေးဇူးရှင်မိဘနှစ်ပါးဆိုတာ နေ့စဉ် ကန်တော့ပြီးလည်း ကျေးဇူးဆပ်ရတယ်"
"ဟင့်အင်း မမမေ ညီမကတော့ မကန်တော့ဘူးရယ်။ အလေ့အထမရှိတော့ ရှက်သလိုလိုကြီး"
အလိုလေးလေး ဖြစ်မှဖြစ်ရလေခြင်း။ ကျွန်မလည်း ဒီခေတ် ဒီခါကြီးမှာပဲ မွေးဖွားလာတာပါ။ ဒီခေတ်မှာပဲ သူတို့သောက်သလို သောက်ရေသန့်တစ်ဗူးကို ငွေ ၃၀၀ လောက်ပေးပြီး သောက်နေတဲ့ ခေတ်လူငယ်ပါပဲ။ သို့သော် အနို့သော်လည်းပေါ့လေ
"မိဘကို ကန်တော့တာ ရှက်သလိုလိုကြီး" တော့ တစ်ခါမှ မဖြစ်ဘူးပေါင်။
ကျွန်မလည်း တရားတော့ ဆက်ဟောတယ်။ သို့ပေမင့် သူများနားထဲ ၀င်မ၀င်က မသေချာ။
သေချာသည်ကတော့ နောက်တစ်နေ့
ထိုသူငယ်မလေး သူ့ချစ်သူနှင့် ဆိုင်တစ်ဆိုင်မှာ သွားချိန်းတွေ့ကြပါတယ်။
ကျွန်မလည်း ကိုယ့်ဆီလာသော ထိုသူငယ်မလေးအား စိတ်မချသည်နှင့် ဆိုင်သို့လိုက်ပါ သွားခဲ့ပါသည်။
နှစ်ဦးသား စကားများ ပြောရင်း။ ချစ်ခွန်းတွေ ဖွဲ့ရင်း အိမ်ပြန်ချိန်ရောက်လာပါလေရော
ကျွန်မလည်း ပြန်ဖို့ ဆော်သြလိုက်ရင်ပဲ နှစ်ဦးသား ကျွန်မရှေ့က ထထွက်သွားရင်း
ဆိုင်ရှေ့လည်းရောက်ရော ဆိုင်ကယ်ပေါ်မတက်မီ
အဆိုပါ သူငယ်မနှင့် သူချစ်သူတို့ ဆိုင်ရှေ့မှာ နှုတ်ဆက်အနမ်းချွေပါလေရောရှင်။
မှတ်ကရော ။ အပျိုကြီး ကျွန်မ မမမေ ဘယ်နေရာသွားနေရမှန်းမသိတော့
အော် မိမိအိမ်မှာ မိမိရဲ့ ကျေးဇူးရှင် မိဘနှစ်ပါးကို ကန်တော့ရာမှာ ရှက်သလိုလိုကြီးဖြစ်နေတဲ့ အမိငယ် လူလယ်ခေါင် စားသောက်ဆိုင်ရှေ့မှာ Kissing ပေးနေတာတော့ မရှက်ဘူးတဲ့။
သူမသည်လည်း အရှက်တရားကို အလွဲသုံးစားလုပ်သူပင်မဟုတ်ပါလားရှင်။
========================================
တစ်နေ့သော ညနေမှာတော့ ကျွန်မတို့ထံ နိုင်ငံခြားမှာ အလုပ်သွားလုပ်ပြီး ပြန်လာပါသော အမတစ်ယောက် အလည်လာပါတော့တယ်။ (အတော်ဧည့်သည်စည်ကားတဲ့အိမ်ပါရှင်)
ကျွန်မမှာ အကျင့်တစ်ခုရှိပါသည်။ ယင်းကား ဘုရားရှိခိုးသည့်အခါတိုင်း အသံထွက်ရွတ်ဆို ရှိခိုး တတ်သောအကျင့်ပါပင်။
ထိုသို့အသံထွက်ရှိခိုးလျှင် မိမိ၏ မေတ္တာသံ၊ မြတ်စွာဘုရားအား ကြည်ညိုစွာပူဇော်သံကို မိမိနား၊ သို့တည်းမဟုတ် မိမိအိမ်တွင်းရှိ လူများကြားနာရပြီး ကြည်နူးစိတ်ဖြစ်ပေါ်လာနိုင်သည် ဟု ယုံကြည် သောကြောင့်ပင်။
ထိုသို့ ကျွန်မ ဘုရားရှိခိုးချိန်တိုင်းလည်း ကျွန်မ ချစ်သော ဖေဖေ နှင့် မေမေတို့နှစ်ဦးစလုံး ဘုရားခန်း နားတွင် ထိုင်ခုံလေးများကိုယ်စီယူကာ သြကာသ ဘုရားကန်တော့ခန်းမှသည် ဓမ္မစင်္ကြာ၊ ပရိတ်ကြီးများ၊ အမျှဝေသံထိ ကျွန်မ၏ တရားသံကို နားထောင်ရင်း ကုသိုလ်ဘာဝနာ ပွားများလေ့ရှိသော ကျွန်မတို့ မိသားစုပါ။
ကျွန်မတို့ မိသားစုရဲ့ အကျ့င့်လေးကတော့ မည်သူပင် ကဲ့ရဲ့ပါစေ ပြောင်းလဲခြင်းရှိမည်မဟုတ်ပါ။
ဧည့်သည်မမလည်း ကျွန်မရဲ့ အသံထွက်ဘုရားရှိခိုးမှုကို ဘုရားရှိခိုးခြင်း အဆုံးမှာ ဝေဖန်ပါတော့ တယ်။
"ယူကတော့ ရေလည် မမိုက်ဘူးနော်။ မေ။ ဘာလို့ အသံထွက်ပြီး ရွတ်ရတာလဲ"
"မေတို့ တစ်အိမ်လုံးဘုရားရှိခိုးရင် အသံထွက်ရှိခိုးကြတယ် အမရဲ့"
"ယူကလည်း လူကြားလို့၊ ကိုယ့်အိမ်ဧည့်သည်ရောက်နေတာပဲ၊ အသံထွက်ရှိခိုးတော့ ရှက်စရာ။ အိုင်ကတော့ အိပ်ရာထဲမှာပဲ ခပ်တိုးတိုးရှိခိုးတယ်။ သူများကြားမှာလည်း ရှက်လို့။ ကိုယ့်ဘုရားကိုယ် ရှိခိုးတာ အသံမထွက်လည်း ဖြစ်ပါတယ်"
ကျွန်မလည်း ဧည့်သည်နှင့် ဆက်လက်ငြင်းမနေတော့။ မှန်ပါသည်။ မိမိဘာသာရေးလုပ်တာ။ မြတ်ဘုရားကို ကိုင်းရှိုင်းတာ ဘယ်သူမှ သိစရာမလိုပါဘူး။ သို့သော်လည်း ကျွန်မ အသံထွက် ဘုရားရှိခိုးခြင်းကြောင့် မည်သည့် ပတ်ဝန်းကျင်ကိုမှလည်း ထိခိုက်တာမဟုတ်။ ခြံအပြင်ကို ကျော်ထွက် ဆူညံနေတာမျိုးလည်း မဖြစ်။ ကိုယ့်အသံနှင့် မြတ်စွာဘုရားကို ပူဇော်ခြင်းမို့ ကျွန်မ ရှက်စရာလို့ မြူတစ်မှုန်မျှပင် မထင်။
သိပ်မကြာလိုက်ပါ။ ဧည့်သည်မမထံသို့ ဖုန်းကောတစ်ခု ၀င်လာခဲ့ပါတယ်။
ဖုန်းနံပါတ်ကိုကြည့်ပြီးသကာလ ဧည့်သည်မမ နောက်ဘက်ဆီသို့ ထွက်ခွာသွားပါတော့တယ်။
ကျွန်မလည်း မဆိုင်သည်များကို မစပ်စုတတ်လေရာ စာအုပ်ဖတ်ရင်း မေ့လျော့သွားခဲ့ပါတော့တယ်။
အိမ်တံခါးများ ပိတ်မပိတ်၊ ပြတင်းပေါက်များစစ်ဖို့ နောက်ဖက်ကို သွားတော့မှ ဧည့်သည်မမ တစ်ယောက်တည်း ညည့်မကြောက်၊ အမှောင်မကြောက်နှင့် တစ်ယောက်တည်း ဖုန်းပြောနေသံကို ကျွန်မ ကြားလိုက်ရလျှင်ဖြင့်
မြတ်စွာဘုရား။
မြန်မာမိန်းကလေးတဲ့။ ယဉ်ကျေးမှုထွန်းကားပါတယ်ဆိုတဲ့ ကျွန်မတို့ မြန်မာပြည်မှ မြန်မာမလေးပါတဲ့ ရှင်။ ဘုရားစူးရဲ့ ကျိန်ဆိုပြောရင်တောင် ယုံနိုင်စရာပင်မရှိ။ နိုင်ငံခြားမှာ အလုပ်သွားလုပ်ရင်းနဲ့ပဲ အရှက်ကင်းမဲ့တဲ့ အတတ်ကို ကူးစက်လာခဲ့လေသလား။ ပင်ကိုယ်ပဲ အရှက်ကင်းမဲ့တာလား ခွဲခြားမတတ်တော့။
ဖုန်းထဲမှ အမျိုးသားတစ်ယောက်နှင့် ပြောနေသည့်စကားများကို အမှတ်မထင်ကြားလိုက်ရသည်က Sex နှင့်လွတ်ကင်းသည်များ တစ်ခုမှ မပါ။ အပြင်မှာများဆိုလျှင် အဆိုပါ မမ ဘ၀ပျက်နေလောက်ပြီ။
ကျွန်မလည်း မကြားချင်ယောင်ဆောင်၊ မသိချင်ယောင်သာ အသာဆောင်ပြီး လောကနီတိစာအုပ် လေးဆီ ပြန်လာခဲ့ပါတော့တယ်။
အော် အသံထွက်ဘုရားရှိခိုးရမှာတော့ ရှက်သတဲ့။ ယောင်္ကျားတစ်ယောက်နှင့် ဖုန်းထဲ Sex ကိစ္စ ပြောနေတာတော့ မရှက်။
ယင်း မမသည် လည်း အရှက်တရားကို အလွဲသုံးစားလုပ်လေပြီ။
=========================================
ကျွန်မ ရန်ကုန်ရွှေမြို့တော်ကြီးမှာ ကျောင်းသွားတက်စဉ်ကပေါ့
တစ်နေ့ ကျွန်မ လှည်းတန်းဘက် လူစည်ကားရာ၊ မုန့်ဆိုင်များ စုစည်းရာ တစ်နေရာအရောက်
"ဟယ် သွားပြီ သွားပြီ။ အရှက်တော့ လုံးလုံးကွဲပါပြီ။ ဒုက္ခပဲ င့ါမျက်နှာဘယ်သွားထားရပါတော့မလဲ"
ကျွန်မလည်း တစ်ဖက်သား အရှက်ကွဲသည့်အဖြစ်ဆိုတော့ ဘာကူညီရမလဲပေါ့လေ။
မျက်စိလေးကစားလိုက်လျှင်ဖြင့် အရှက်ကြီးသူ မိန်းမငယ်လေး တွေ့ပါပြီ။
ရှက်လွန်းလို့ ဖျတ်ဖျတ်လူးနေပုံလေးက သနားစဖွယ်။
အတော်လည်း စိတ်ညစ်၊ သောကရောက်နေတဲ့မျက်နှာလေးပါ။ ကျွန်မဖြင့် မျက်နှာလေးကြည့်ပြီး သနားလိုက်သည်။ (ပုရိသများဆိုလျှင်ဖြင့် ဖျတ်ဖျတ်လူးအောင် ကူညီပေးချင်သွားမှာပါ).
"ဒုက္ခပဲ ရှက်လိုက်တာ ရှက်လိုက်တာ။ ဒီလိုအရှက်ကွဲတာမျိုးကြီးတော့"
အော် ထမီစများ တက်နင်းမိပြီး ကျွတ်လေသလား၊ စကတ်များ ပြဲလေသလား။ ဒါမှမဟုတ်…. ?????
အတွေးပေါင်းများစွာတို့ဖြင့် ကလေးနှမနားသို့ ကျွန်မ ကပ်ပြီး ဘာကူညီပေးရမလဲ ညီမလေး
"ဖိနပ် ဖိနပ် ဖိနပ်ပြတ်သွားလို့၊ ရှက်လိုက်တာ။ ဒါမျိုးတစ်ခါမှ မဖြစ်ဖူးဘူး။ တစ်သက်လုံး ထိန်းလာတဲ့ အရှက်တွေ ဗြန်းဗြန်းကွဲပါပြီ"
ကျွန်မလည်း ကူညီချင်စိတ်လေးနဲ့ မိန်းမငယ်လေးရဲ့ ခြေထောက်ကို ငုံကြည့်လိုက်ရင်ပဲ
မြတ်စွာဘုရား။
ဖိနပ်ပြတ်လို့ ရှက်သွားတဲ့ ခလေးနှမက ဇီးရိုးကွာတားလေးနဲ့ရှင့်
ပေါင်လေးကို ဖွေးလို့။ အကျီ င်္ ကိုကြည့်လိုက်တော့လည်း အတော်ပေါ့ပေါ့ပါးပါးလေးပါ။
ပေါ့ပါးတာမှ ကြည့်ချင်တာကြည့် ပေါ့ပေါ့ပါးပါး ကြည့်စေသတည်းလို့ စာတမ်းမထိုးထားရုံတစ်မယ်ပင်။
ကျွန်မလည်း ဒီလောက် ဖော်ချွတ်ထားတဲ့ ကလေးနှမ အတွင်းထဲက လူမြင်ရင် ရှက်စရာကျတော့ မရှက်ဘဲနဲ့ ဖိနပ်ပြတ်တာတော့ ရှက်သတဲ့။ ကုသိုလ်စိတ်လေး ပျောက်လုလုပင်ဖြစ်သွားခဲ့ပါတယ်။ (ထိုနေ့က ကူလည်း မကူညီဖြစ်ခဲ့ပါဘူး။ ထိုထိုအချိန်ကို ပြန်တွေးတိုင်း နောင်တလည်း ခုထိရမိနေဆဲပါ)
ဒါလည်း မရင့်ကျက်သေးတဲ့ ကျွန်မ စိတ်ဖြစ်မှာပါ။
ကျွန်မသူငယ်ချင်းကို ပြောပြတော့ ရန်ကုန်မှာ ဒါမျိုးရိုးနေပြီ။ မမြင်ချင် မကြည့်နဲ့တဲ့။
ဟုတ်ပါတယ်။ မြန်မာဆိုတာ မှတ်ပုံတင်ထဲမှာပဲ ရှိနေသယောင်ပေါ့ရှင်။
ကျွန်မလည်း ကဲ့ရဲ့မနေတော့ဘဲ အတွေးထဲမတော့ မှတ်ချက်တစ်ခုပေးလိုက်မိပါတော့မယ်
သူလေးလည်း အရှက်တရားကို အလွဲသုံးစွဲလုပ်သူလေးပဲပေါ့ရှင်။၏
ထိုထိုသော အရှက်တရားကို အလွဲသုံးစားလုပ်သူများ များစွာ ရှိပါသည်။
လူတိုင်း မှားနိုင်ပါသည်။ မသိသည့် အမှားတစ်ခုအတွက်တော့ အပြစ်လို့ မဆိုသာပါ။
အမှားကို မပြင်နိုင်မှသာ ရှက်စရာဖြစ်ပါသည်။
တစ်ခါမှားဖူးသည်ကိုလည်း ဘ၀အတွက် တစ်သက်လုံးရှက်နေစရာမလိုပါ။
နောက်ထပ်မမှားအောင် နေဖို့သာ တာဝန်ရှိပါသည်။
ထို့ပြင် ထို့အပြင် အရှက်တရားကို အလွဲသုံးစားလုပ်သူများသာ ပိုလို့ ပိုလို့ ရှက်စရာဖြစ်ပါတော့ကြောင်း စဉ်းစားရင်း ကျွန်မ၏ အတွေးများကို ခဏရပ်ပါတော့မည်။
အရှက်တရားကို အလွဲသုံးစားလုပ်ခြင်းမှ ကင်းဝေးကြပါစေ။
ဘာကိုမှပိုင်ဆိုင်မထားသူ မမမေ
တစ်ပါးသူပျော်ရွှင်ဖို့စိတ်ရင်းနှင့်အားထုတ်သူသည် ကိုယ်တိုင်ပျော်ရွှင်ရသူသာဖြစ်သည်။
![]()
မတတ်သည်မှာ ရှက်စရာမဟုတ်။ တတ်ဟန်ဆောင်ခြင်းသာ ရှက်စရာဖြစ်သည်။
မသိသည်မှာ ရှက်စရာမဟုတ်။ သိဟန်ဆောင်ခြင်းသာ ရှက်စရာဖြစ်သည်။
![]()
..)